EN
استغاثت فتاة تدعى “ب”، 24 سنة، على أحد موقع التواصل الاجتماعي “فيس بوك”، من شاب “أ. م”، 24 سنة، قام بتهديدها وابتزازها والتوعد بالقتل والانتقام منها بعد انفصالها عنه بحدائق القبة، لتقوم مأموريات أمنية بجهود مكثفة وتم ضبط الشاب.
اقرأ أيضا: زواج عرفي ودعوى إثبات نسب.. محاكمة لاعب كرة قدم شهير
اقرأ أيضا: الأب يبرّر للأم: مش لاقيكي قدامي |مأساة أخلاقية بالمرج
قرينا فاتحة وقربنا نتخطب
وبمواجهته اعترف بارتكاب الواقعة، مؤكدا تقدمه لخطبتها ورفض أهلها، وجاءت أقواله كالتالي: "اللي حصل إني أنا وب. ص، 24 سنة، ارتبطنا وكنا بنحب بعض وقرينا فاتحة وقربنا نتخطب، وبعدين بدأت أنزل صورنا على النت وبدأت الناس تعرف وناس دخلت وتقولي بلاش البنت دي لأنها مش كويسة، وبعدين بدأت أصدق الموضوع، ومن هنا بدأت الخلافات والمشاكل بينا وشدينا في الكلام مع بعضن وبعدها سبنا بعض وبعد كده كل فترة والثانية بخش أبعت لها رسائل واتصل بيها في التلفون ساعات بشتمها وأهددها وساعات تانية كنت بقولها نرجع لبعض".
عايز بأي طريقة نرجع لبعض
وتابع: "أنا كنت عايز بأي طريقة نرجع لبعض تاني سواء كان بالحنية أو بالتهديد، وأنا كنت حاسس إن هي هتبعد عني ومش هترجع تاني وإن أهلها رفضوني، وبعدها اتكلمنا فيديو كول مرة ولما كنا نتكلم عادي بدون مشاكل خدت لها سكرين شوت من الفيديو كول لما كنا بنتكلم على الماسنجر وقفلنا المكالمة من غير مشاكل".
وأضاف: “وبعدين مرة واحدة هي كانت بتعمل بلوك من كل حتة عشان كنت بكلمها من أرقام مختلفة وببعت لها رسائل بالتهديد، وكمان كنت ببعت لها الصور اللي أنا أخذتها سكرين شوت، وهي مكنتش بتستجيب لتهديداتي ومرجعتش ليا، وأنا كنت بهددها بس لكن عمري ما فضحتها ولا نفذت أي حاجة من الكلام اللي كنت بقوله لها سواء كان على الرسائل أو المكالمات اللي بيننا”.
وتابع: "وفي يوم طلعت البيت عند خطيبتي لقيت أبوها وأمها وقعدت أزعق وأشتم، وبعدها لما هما قالوا هيكلموا الشرطة أنا جريت عشان مش عايز مشاكل ليها، وبعدها كلمتني بالليل وقعدنا نتعاتب واتفقنا إننا هننزل نفطر مع بعض تاني يوم الصبح ورحت ليها عند أختها عشان أخدها ونروح نفطر، ولما شوفتها في الشارع قربت ليها عشان تركب معايا العربية تفاجأت بأفراد الشرطة قبضوا عليا".
