EN
حلت الفنانة عفاف شعيب، ضيفة على الإعلامية ياسمين عز ببرنامج " كلام الناس" والمذاع عبر قناة " إم بي سي مصر".
وروت الفنانة عفاف شعيب، قصص عن الزواج الثاني، قائلة: "أذكر واحدة ست كبيرة من الهوانم، خلفت 3 صبيان وبنتين، وبعد ما أولادها كبروا وخلصوا جامعة واتوظفوا جوزها اتجوز عليها، ولما اتجوز عليها قالت له بالهنا والشفا والصحة والعافية عليك".
وأضافت الفنانة عفاف شعيب: "الست قالت الراجل قضى عمره كله وتعب وشقي معايا مع الولاد كتر خيره"، لافته: "أنا بصيت للست وقولت لها أنتي بتتكلمي جد، ردت قالت آه يكفي أنه جاب لي 5 أولاد زي الورد بالدنيا".
وأشارت الفنانة عفاف شعيب: "فيه ستات كويسة وبتخاف على بيوتها وبتخاف على بيوت ولادها مش بتفركش"، متسائلة: "لو أنتي فركشتي الأسرة وبعدين؟".
