تصدرت الفنانة سماح أنور مؤشرات البحث خلال الساعات الماضية؛ بعد تصريحاتها التي أثارت جدلاً واسعاً في آخر ظهور إعلامي لها، حيث كشفت العديد من جوانب حياتها الخاصة، ومنها سر رشاقتها ونظامها الغذائي .

رشاقة سماح أنور منذ ظهورها على الساحة الفنية وحتى وصولها 57 عاما؛ جعلت الكثير من النساء يتساءلن عن سر رشاقتها، والنظام الذي تتبعه، خاصة وأن آخر مسلسل شاركت فيه الفنانة سماح أنور؛ هو مسلسل الليلة واللي فيها، مع الفنانة زينة، وظهرت سماح أنور في أول حلقتين برشاقتها المعهودة وقدمت دور الحماة المتسلطة .

وفي تصريحات سماح أنور أمس خلال لقائها ببرنامج كلام الناس علىmbc مصر ، قالت سماح عن نظامها الغذائي : "باكل كل حاجة بيتزا ومكرونة، أنا باكل مرة واحدة في اليوم، طول حياتي، من وقت ما خلصت المدرسة وابتديت أمثل".

وتابعت سماح أنور :" إحنا بيجيلنا البريك مرة واحدة في الأوردر وإحنا بنشتغل من 12 لـ 18 ساعة، فبناخد وجبة واحدة وخلاص وبنشتغل، فأنا بشتغل من وأنا عندي 16 سنة فعلا، ودي كانت الفترة اللي كانشغلي فيها كتير أوي فيها، فقعدت حوالي 15 سنة بشتغل كتير أوي، وده كان نظام حياتي" .

مسترجلة يعني ايه بحلق دقني الصبح مثلا؟! ومشربتش مياة من 17 سنة.. تصريحات صادمة لـ سماح أنور

دي قلة قيمة| انفعال سماح أنور بسبب شائعة بعد وفاة سمير صبري ..فيديو

وتابعت سماح أنور :" أنا بحب الرياضة جدا، طول عمري رياضية، فالحكاية مخلية جسمي على طول بيحرق طول الوقت، وسواء عندي شغل أو ما عنديش شغل؛ أنا ما بجوعش غير بالليل".

واستطردت :" أنا بآكل بالليل، المهم في الموضوع ما أكلش قبل ما أنام على طول، لازم آكل قبل ما أنام بـ 5 أو 6 ساعات، وأنا نفسي مش بنام بدري، أنا مش من الناس اللي بتنام بدري، بصحى بدري لكن معرفش أنام بدري، عشان كده باكل الساعة 8 أو 9 أو 10 وبنام 3 أو 4 أصلي الفجر وأنام كده يعني".