طلاق رامي جمال من زوجته ناريمان.. أعلنت المطربة المعتزلة ناريمان، عبر صفحتها الرسمية بموقع التواصل الاجتماعي "انستجرام"، انفصالها عن زوجها المطرب رامى جمال".

وكتبت ناريمان قائلة" تم الطلاق بيني وبين رامى اتمنى له كل الخير واتمنى يكون سعيد فى حياته الجديدة واتمنى لنفسي كمان الخير والسعادة".

الحمد لله اننا مخلفناش.. رسالة صادمة من رامي جمال لطليقته

بسبب الوسط الفني.. رامي جمال يتحدث عن زوجته قبل الطلاق

وكانت قد كتبت ناريمان قبل الطلاق رسالة مؤثرة تعبر فيها عن شعورها لفقد احبابها وجاء فيها:" بعد ما بيروح منك حد بتحبه بتحس انك فى حتة من روحك ماتت حاجات كتير جواك بتموت ومستحيل ترجع تانى بتحس انك متقدرش تضحك ولا تفرح ولا تنسى انا كل ما اجى ابتسم افتكر كل ما اجى اضحك افتكر حاسة انى مينفعش ابتسم او اضحك تانى حاسة انى عمرى ما هرجع زى الاول ولا يوم هعرف احس انى فرحانة مهما حصل هتفضل كل حاجة ناقصة و بتوجع لحد دلوقتى مش عارفة استوعب ولا اصدق لكن بحاول اقوى و اقاوم الاحساس دا بس فعلا اد ايه الموت دا مرعب والمرعب اكتر الرعب اللى بتحس بى بعد كل مرة بتفقد فيها حد بتحبه و تعيش طول العمر مرعوب تحس الاحساس دا تانى وتعيش خايف على كل اللى بتحبهم و موجوع على اللى راحوا، حكمتك يارب اللهم ارحمنا برحمتك يا ارحم الراحمين، اسفة على الطاقة السلبية بس بحس انى بفضفض معاكوا لما بتكلم.

اخر أعمال رامي جمال

يذكر أن آخر أعمال الفنان رامي جمال هي أغنية "مش حبايب" التي تم إصدارها يوم 13 يناير الماضي عبر قناته الرسمية على يوتيوب، وحققت الأغنية منذ طرحها وحتى الآن أكثر من 2 مليون مشاهدة، وهي من كلمات محمد أبو نعمة، وألحان رامي جمال، وتوزيع كريم عبد الوهاب.

رامي جمال والمطرب النقاش

ومن ناحية اخرى نشر الفنان رامي جمال، فيديو، بصحبة “المطرب النقاش” عبر حسابه الرسمي على “إنستجرام”.

وقال رامي جمال، من خلال الفيديو،: “عشان الناس اللي فاكرة اني بضيع وقت، أنا مع أحمد وقعدنا مع ناس مهمة كتير واستنوا أغنيتين، واحدة لينا مع بعض، وواحدة أحمد هيغنيها لوحده”.

يذكر أن الفنان رامي جمال كشف عن سبب مقابلته لـ أحمد سالم “المطرب النقاش”، الذي تصدر تريند السوشيال ميديا خلال الأيام الماضية، وذلك عبر حسابه الشخصي بموقع التواصل الاجتماعي “انستجرام”.

ونشر رامي جمال فيديو له، وتحدث فيه قائلًا: “أحمد فنان بدرجة مشوفتهاش في حياتي، ربنا كاتب له قبول، والناس بتحبه وبتدعمه، في ناس فرحانة وبتقولي شكرا إنك بتساعد أحمد، أنا مش بساعد أحمد، أنا بساعد نفسي كفنان وملحن ومطرب إن الوسط الفني لما يكون فيه صوت زي أحمد؛ بيرتقي بالوسط الفني كله، وده إحنا محتاجينه”.

وتابع رامي جمال: “وإني أساعد أحمد في مشواره الفني دي حاجة بسيطة وبساعد أحمد لما شوفت الفيديو قبل ما يطلع تريند لأن مش شخصيتي أعمل الحاجة علشان التريند، وبطمن كل الموهوبين أن لو ليك الفرصة ربنا هيكرمك زي أحمد بعد سنة ونص الفيديو انتشر، وربنا أراد أنه يتشاف وزي ما ربنا وقفني جنب أحمد هيوقفلكوا ناس وبشكر كل الناس اللي كلمتني وشركات الإنتاج اللي عوزين يقفوا معايا في مشروع أحمد”.