غدر الصحاب قتل أبويا.. تداول قصة مأساوية لفتاة من البحيرة

تداولت عدة صفحات على موقع التواصل الاجتماعي «فيسبوك» قصة مأساوية لفتاة من البحيرة تدعى ريهام محمد، من مدينة إدكو، مع تعليق: «غدر الصحاب قتل أبويا، صحبتي اتجوزت خطيبي». 

وظهرت في الصور التي لاقت انتشارا واسعا فتاة تدعى ريهام محمد، من مدينة إدكو بمحافظة البحيرة، وهي تصرخ بشكل هستيري مع نشر لقطة شاشة سوداء، عليها تعليق: «التليفون اتسحب واتسمح كل حاجة من على الأكونت، شيروا انتوا، خدوا دا اسكرين علشان همسحه قبل ما حد يشوف، أبويا اتقتل، أبويا اتقتل.

وعن تفاصيل الحقيقية لهذا المنشور المتداول من عدمه، كان من ضمن تعليقات الأشخاص أن منشور الفتاة التي تعمل كميكب آرتيست حقيقة وأنها ظهرت في بث مباشر ليلة أمس، الثلاثاء، ثم حذف واختفت.

وكتبت فتاة تدعى مروة عصام: «الحوار فعلا بجد ونعرف ريهام معرفة شخصية، من أطيب وأحسن الشخصيات الجدعة بجد مش كلام بتقف جنب أصحابها، لكن تعرضت لغدر جامد أوي وانضربت في فرح صحبتها وقطعوا ليها الفستان قدام الناس في الفرح،  ورفضت تعمل محضر احتراما للصحوبية والعيش والملح، وصلوها لمرحلة إنها بتتعالج نفسيا بسببهم، ولما اتكلمت مذكرتش أسامي بالتفصيل، اتكلمت عن الواقعة فقط ومغلطتش في حد، اتهجموا على بيتها أثناء البث وقتلوا والدها، حسبي الله ونعم الوكيل بجد بلدنا في رعب من امبارح». 

وقالت فتاة أخرى تدعي سالي لبيب: «هو دا بجد!!!  طب إزاى أبوها اتق*تل والفون اتسحب منها وكاتبة على الواتس بتاعها  بعد كدا، هو مش المفروض عشان ترجع حساب الواتس بتاعها لازم يكون الخط معاها عشان تقدر ترجعه وتاخد الكود!!! يبقا ازاى اتسحب؟  وازاى واحدة أبوها بيتقتل قدامها وحد بيتهجم على والدها وهى فاتحة اللايف وقاعدة تصوت ماحاولتش حتى مع الناس اللى اتهجموا على أبوها إنها تبعدهم ولا إيه!!!!».