أستاذ طب نفسي: يجب توعية الأطفال لمواجهة الأفكار المغلوطة للمنصات الأجنبية

قالت الدكتورة هبة فتحي، أستاذ الطب النفسي بقصر العيني، إنه يجب توعية الأطفال وتوسيع الثقافة العامة لهم في المنزل، ومواجهة الأفكار المغلوطة التي تبثها المنصات الأجنبية، معقبة: "مفيش حاجة اسمها أنا عارفة أطفالي بيتابعوا إيه، كده كده هيتعرضوا لأي مشهد، فلازم يكونوا مهيئين نفسياً وعندهم توعية بالكلام ده".

وأضافت "فتحي"، خلال استضافتها ببرنامج "صباح الخير يا مصر" المُذاع على القناة الأولى المصرية، أنه يجب إعطاء الطفل المساحة الكاملة للحوار، معقبة: "علشان لو شاف حاجة غريبة يرجعلي أنا كأم ويسأل فيها، ميبقاش خايف يقول لماما أو بابا، أو مرعوب يسحبوا منه التليفون وهكذا".

وأوضحت أستاذ الطب النفسي بقصر العيني أنه يجب على الأمهات والآباء التواجد في حياة أطفالهم بشكل كبير، معقبة: "مينفعش تكون الأطفال متسابقة طول الوقت مع الموبيل أو التليفزيون طول النهار، ويتفرجوا على أي حاجة وخلاص".

وأكملت "فتحي" قائلة: "الإجازة اتعملت علشان بمجرد ما يخلص المدرسية يبقى لازم يشارك في نشاط موازي للمدرسة، أي التحاق الطفل بحضانة أو نادٍ أو معسكر من معسكرات الأنشطة، بحيث يكون باقي للطفل وقت الأكل والشرب، وبالتالي تكون قلت احتمالية تعرض للطفل لمشاهدة أي شيء خطأ".