رفضت ندى الكامل، طليقة الفنان أحمد الفيشاوي، اعتذار الداعية مظهر شاهين، إمام مسجد عمر مكرم، بعد الخلاف الذي دار بينهم على مواقع التواصل الاجتماعي والسوشيال ميديا.

تنمر وتراشق بالألفاظ.. ندى الكامل توجه رسائل حادة لمظهر شاهين على الهواء بسبب

مالكش حق تبص على جسمي.. طليقة أحمد الفيشاوي تهاجم الشيخ مظهر شاهين

و انفعلت "ندى الكامل" خلال مداخلة هاتفية مع الإعلامي عمرو أديب ببرنامج "الحكاية" المذاع على قناة "mbc مصر": "اعتذاره غير مقبول بالمرة لأن أنا وصل لي كلام بإني مُلحدة بسب تصريحاته، ورسائل على كل مواقع التواصل الاجتماعي بإن أنا كافرة ومُلحدة".

مش هدخل في مهاترات

وعلقت "ندى الكامل":"امبارح يقول أنا بخاف على الفتنة، إيه علاقة الفتنة بيا، فأنا مش هدخل في مهاترات معه أو مع غيره، حضرتك شيخ مش المفروض تقول الكلام ده، أنا جالي من هذا الداعية تجاوزات شخصية ولكن لا احب إن أرد عليها دلوقتي أو بعدين، ومش هتكلم فيها تاني".

لا اؤمن بفكرة المساكنة

وأكدت "ندى الكامل" أنها رأت بمنشور على موقع التواصل الاجتماعي "انستجرام" عن الأديان السماوية ورفضها عن المساكنة، وابدت رائيها، مؤكدة أنها لا تؤمن بفكرة المساكنة بين الرجل والمرأة، وتفضل الزواج، ولكنها ردت على جزئية الأديان والإنسانية وليس المساكنة.

تجاوزات وتنمر

وأكدت ندى الكامل، أنها تفاجأت بهجوم وتجاوزات وتنمر على شخصها بعيد كل البعد عن حرية الرأي، مشيرة إلى أنه السجل الذي وقع بينها وبين الداعية مظهر شاهين تحول إلى هجوم وأصبح الانتقاد على جسدها وإنها أجريت عمليات تجميل واستخدمت فيها "بوتكس وفيلر".

دخلت في دائرة انا ماليش فيها

وقالت "ندى الكامل" : "دخلت في دائرة انا مش فيها أصلا، لأن أنا واحدة لاأؤمن بالمساكنة أصلاً، وكل واحد حر يعمل اللي عايزة ، ولكن لاقيته سايب كلامي وبيقولي إنتي نافخة وعاملة بوتكس وفيلر، طب هو يعني انت مركز فيا ولا في الكلام اللي بقوله!".

الموضوع بنسبالي قضية فكرية

وتابعت"ندى الكامل" : "أنا خرجت عن شعوري وتعصبت بسببه لأن هو دخلني في نقاش ودائرة أنا ماليش علاقة بها، وأنا اتكلمت على أساس إن الموضوع بنسبالي قضية فكرية إنسانية بحت، لكن هو جاب الموضوع بإن هو نقاش ديني حاد بين شخص مش فاهم في الدين اللي هو أنا، وبين إن هو عالم ديني، وده كلام غلط".

مالكش الحق أصلاً تبص على جسمي وتقولي نافخة

ووجهت طليقة الفنان أحمد الفيشاوي رسالة قائلة : "انت مالكش الحق أصلاً تبص على جسمي وتقولي نافخة، أو إنك تفصل جسمي أو ترد عليا رد غير لائق على جسدي، وانت مالكش دعوة، لأن دي مش شغلانتك، دي شغلانة دكاترة التجميل مش شغلانة داعية مثلك".