EN
علق الفنان مصطفى كامل، حول ترشحه للمنافسة على منصب نقيب الموسيقين قائلاً: "والله والله أنا مكنتش هشتغل حاجة تاني في حياتي وده كان قراري .. وأنا قولتها انهاردة أمام الإعلام إن إصرار زملائي وأساتذتي وثقتهم بيا ده شيء يشرفني ويشرف أولادي إنهم يختاروني لهذا المنصب".
وأضاف "كامل" في مداخلة هاتفية مع برنامج "90 دقيقة" المٌذاع على فضائية "المحور"، قائلاً: "أنا طاوعت رغبة زملائي وأساتذتي ورشحت نفسي لأحاول ما يمكن انقاذه .. بظراً لأن النقابة في وضع مش مظبوط خالص وأنا مش بسكت على باطل نهائي".
ونوه الفنان أن نقابة المهن الموسيقية تحتاج إلى تدخل الدولة على وجه السرعة، لأن النقابة ظهرت بها أمور في الأونة الأخيرة، منهم مطرب المهرجانات حمو بيكا حين قال في أكثر من برنامج: "وقت ما كانت النقابة واخدة قرار بإيقافه كان فيه عضو مجلس بيخليه يشتغل وكان بياخد نصف فلوسه".
وتابع كامل قائلاً: "لو فرضنا إن ربنا أكرمني ونجحت في هذا الترشح .. فلازم باخد رأي المجلس .. وأنا متوقع الخلافات اللي هتبقى موجودة في النقابة لأن هناك مجموعة معلومة متجولة على النقابة وترغب في التربح من النقابة .. وهما عارفين إن أنا مش بسكت على الباطل .. علشان كده الناس ديه تكون على جثتهم إن مصطفى كامل يمسك منصب زي ده".
