EN 
أكد الإعلامي خالد ميري، أن صورة ميرفت أمين في عزاء المخرج علي عبد الخالق، أثارت حالة من الجدل، معلقا “اللي اتعمل على السوشيال ميديا مش متخيله لحد دلوقتي ميرفت امين تقوم بواجب عزاء ليه نهاجمها".
وقال خالد ميري، خلال تقديمه برنامج “كلمة السر”، عبر فضائية “صدى البلد”، أنه “احنا ليه بقينا حشريين ونتدخل في حياه الناس الخاصة ولنا حق لإصدار أحكام، وليه بنعمل كدة وبنقطع في تاريخنا ونلوم فنانة جميلة بتعيش سنها وهي عندها 75 سنة”.
وتابع مقدم برنامج كلمة السر، أن “اللي بيكبر في السن بيحلو اكتر و نفضل فاكرين جماله، ومش لازم نتدخل في كل حاجة”.
مش هننسى الفن الجميل
وأشار خالد ميري إلى أنه “كلنا معاكي ومش هننسى الفن الجميل اللى قدمتيه ومش هنقبل أي تدخل في حياتك الشخصية ”
