EN
نشرت الفنانة عارفة عبد الرسول تعليقا عبر صفحتها على موقع التواصل الاجتماعى فيسبوك تتحدث فيه عن ذكرى حريق قصر ثقافة بين سويف.
وقالت عارفة عبد الرسول : "في فترة شغلي مسكت إدارة نوادي المسرح وكنت محبكاها قوى.. أعمل لجان ونختار عروض وبسافر للمسابقة الرسمية تسع عروض بعربيات نقل للديكور ومينى باص للممثلين.
وأضافت عارفة عبد الرسول: فى يوم من الأيام اختلفت أنا ومديرتى السيدة حنان شلبى ربنا يديها الصحة وقررت أسيب مسؤولية نوادي المسرح، السنة دي سافر عرض وحيد من إخراج إبراهيم وصراحة كنت فرحانة عشان يبان فرق وجودي من عدمه.
واوضحت عارفة عبد الرسول: قبل السفر بيوم اتصلت بيا الأستاذة سامية تتحايل عليا أجي العرض باعتباري فنانة مش موظفة وأنا أقولها لا خلى مدام حنان تحس بالفرق، يتصل مؤمن ويقولى أنتِ كل سنة بتسافري معانا وما نعرفش نسافر من غيرك، حتى ياسر أتصل بيا وأنا على كلمة واحدة.
واشارت عارفة عبد الرسول : لوكنت سافرت كنت قعدت جنب اللجنة الأساتذة الكبار، طبقا لوظيفتي، وإذ فجأة أشوف الحريق على التلفزيون وأنا باصرخ وأقول لجوزي، هما دول ولادنا ولا مهرجان تاني، ربنا أداني فرصة تانية.. بفكر نفسى.
عارفة عبد الرسول
أثارت الفنانة عارفة عبد الرسول جدلا كبيرا بعد أن نشرت صورة لها من خلال حسابها على “فيسبوك” بشعر أبيض، وقد اعتقد الكثير من متابعيها أنها صبغة جديدة ولوك مختلف، ولكن الفنانة عارفة عبد الرسول فاجأت الجميع بأن هذا لون شعرها الطبيعي بعدما توقفت عن استخدام الصبغة تماما.
تعد عارفة عبد الرسول من الفنانات المثيرات للجدل دائما، ومن أبرز المرات التي تصدرت فيها تريند عندما نشرت صورة لها وهي مرتدية المايوه، حيث تعرضت وقتها لهجوم شديد.
تصدرت عارفة عبد الرسول التي تبلغ من العمر 68 عاما، التريند بعدما هاجمت أيضا إحدى الصحفيات وكتبت: "ما صدقت أنام بعد مارجعت من السفر وأنا في أشد التعب، تليفونى سايلنت جنب مني بس فيه رقم قعد يزن ورا بعض تخلص الرنة يرن تاني، أنا صراحة خوفت ليكون فيه خبر وفاة مثلا ولا حد عايزني تصوير دلوقتي حالًا والكلام ده وارد، رديت وأنا قلبي في رجلي.. أنا الصحفية كذا، قلتلها يادمك يا شيخة وقفلت السكة، أول مره في حياتي أعمل كده، بس اتغظت قوي.. هو فيه كده".
