EN 
حلَّ الفنان محمد عبد الرحمن ضيفًا على برنامج "معكم منى الشاذلي"، الذي تقدمه الإعلامية منى الشاذلي على قناة cbc، مساء اليوم، للحديث عن كواليس الأزمة الصحية الأخيرة التي خضع خلالها لعملية قلب مفتوح.
وقال عبد الرحمن خلال حواره مع الإعلامية مني الشاذلي،:" للي حصلي كان حاجة كبيرة أوي بس محستش بيها، إحنا هنا بنخاف من وجهة الدكاترة فممكن الواحد دراعة يتكسر قدامه ويركبه ويقول أنا تمام ، أنا كنت ديما حاسس بتعب بس مكنتش عايز أروح للدكتور، وكمان كنت مدخن ومكنش عندي فكرة إني عندي حاجة في القلب وبيجيلي أدوار عادية برد وكده”.
وأوضح الفنان محمد عبدالرحمن:" اتضح إن عندي 3 شرايين مسدودة، والحمدلله دعوات ولدتي نجتني ودعوات الناس اللي بتحبني، متابعا:" أمي بتدعيلي قبل أي شغل أو مشوار مهم وأصحابي مسمينها تعويذة".
وأكمل:"لما خرجوا وقالولي إحنا مركبناش دعامات، وفي قرارات مينفعش ناخدها لوحدنا فقولته دا قلب مفتوح، واتخضيت وبقت أقول الحمدلله".
