EN 
أثارت الدكتور هبة قطب استشاري الطب الجنسي والعلاقات الزوجية، ضجة على السوشيال ميديا، بفيديو جديد تعليقاً على الجدل المثار حول الدكتورة شيرين غالب.
ودعمت الدكتورة هبة قطب شيرين غالب، بعد تعرضها إلى هجوم حاد من قبل رواد السوشيال ميديا بسبب الكلمة التي ألقتها أثناء حفل تخرج طالبات طب الأزهر بجامعة أسيوط .
وقالت هبة قطب، “ إن الدكتور شيرين نقيب أطباء القاهرة وتستحق المنصب عن جدارة، أختي، وصاحبتي، ودفعتي، وكنا مع بعض في الكلية وصحاب لحد النهاردة”.
وتابعت هبة قطب، “دكتورة شيرين مغلطتش في حاجة هي قالت اللي هتقوله كل أم لبنتها، والخريجات دول في سن بناتنا، وأنا بنصح بنتي بنفس الكلام العفوي ده".
وأضافت، “كلنا مرينا بالمراحل دي وخدنا شهادات، ونفس الوقت كان عندنا بيت وزوج وأولاد، ودكتورة شيرين سابت تخصص الباطنة وانا سبت تخصص الجراحة اللي كنت شاطرة فيه عشان بيتي وجوزي وهي الدنيا أولويات”.
وتابعت، “في حالة هجوم غير مبرر، برغم أن كلامها كله صح ومحدش يقدر يغلطها فيه، لأن الظروف والشغل مش بيشيلوا الأولاد ويربيهم، ولو وصلنا لأعلى حاجة في الشغل والبيت وقع يبقى النجاح ملهوش معنى”.
