EN 
حرص الفنان رامي جمال، على توجبه رسالة لجمهوره بعد نجاح حفله بجدة، من خلال حسابه الرسمي على تطبيق “إنستجرام”.
نشر رامي جمال، صور وفديوهات من الحفل وعلق قائلاً: "جده القلب .. عشرة الاف شكرا لكل فرد حضر من عيلتي اللي بتكبر الغنا قدامكم ومعاكم شرف ومتعه والوقت بيخلص هوا ملحقتش اشبع منكم وفي اغاني كتير ملحقناش نغنيها سوا ..شكرا هيئه الترفيه والمستشار تركي ال الشيخ وشكرا صديقي حمزه ناصر وكل افراد شركته فور ام شكرا فرقتي الموسيقية…بحبكم جدا".
يذكر أن رامي جمال كشف عن سبب مقابلته لـ أحمد سالم “النقاش المغني”، الذي تصدر تريند السوشيال ميديا خلال الأيام الماضية، عبر حسابه الشخصي بموقع التواصل الاجتماعي “انستجرام”.
ونشر رامي جمال فيديو له، وتحدث فيه قائلًا: “أحمد فنان بدرجة مشوفتهاش في حايتي، ربنا كاتبله قبول والناس بتحبه وبتدعمه، في ناس فرحانة وبتقولي شكرا أنك بتساعد أحمد، أنا مش بساعد أحمد أنا بساعد نفسي كفنان وملحن ومطرب أن الوسط الفني لما يكون في صوت زي أحمد بيرتقي بالوسط الفني كله ودا أحنا محتاجينه”.
وتابع رامي جمال: “وإني أساعد أحمد في مشواره الفني دي حاجة بسيطة وبساعد أحمد لما شوفت الفيديو قبل ما يطلع تريند لأن مش شخصيتي أعمل الحاجة علشان التريند، وبطمن كل الموهوبين أن لو ليك الفرصة ربنا هيكرمك زي أحمد بعد سنة ونص الفيديو انتشر، وربنا أراد أنه يتشاف وزي ما ربنا وقفني جنب أحمد هيوقفلكوا ناس وبشكر كل الناس اللي كلمتني وشركات الإنتاج اللي عوزين يقفوا معايا في مشروع أحمد”.
