شريف منير يتجاهل شائعات انفصاله عن زوجته ويطلب من الجمهور الدعاء

تجاهل الفنان شريف منير ما أثير مؤخرا من أنباء وشائعات حول انفصاله عن زوجته لورا عماد، ولم يعلق على الأحداث والمشكلات التي تشهدها عائلته عبر السوشيال ميديا.

وظهر شريف منير لأول مرة منذ اندلاع أزمة زوجته وابنتيه على السوشيال ميديا بمنشور إنساني يطلب فيه الدعاء لحالة مرضية، ونشر صورة شاب يدعى زياد معلقا عليها قائلا:" فاكرين زياد إللي عمل حادثه جامده و طلبت منكم تدعوله ؟.. الحمدلله ربنا إستجاب ويستحسن و طلع لسانه أهو .. ربنا مايحرمنا من دعاءكم .. إدعولي أنا بقى ربنا يزيح الغمه و الكرب".

وهاجمت زوجة شريف منير بناتها في فيديو عبر انستجرام قائلة:" رسالة إلي بناتي فريدة وكاميليا بما انكم خلاص قررتوا تبقوا مش في حياتي بعد ما ادتكم عمري و صحتي وحبي و اهتمامي وضحيت عشانكم كتييييير!! وكل مدارسكم بمدرسينكم بدكاترتكم باصحابكم بامهات اصحابكم يشهدوا بإن انا كنت ام عامله ازاي!."

وكتبت:"بقولكم مبروك عليكم عيلتكم الجديدة!!و حقولكم حاجة واحدة بس ! اللي مالوش خير في امه ملوش خير في حد!! بتمنالكم كل خير وصحة وان ربنا يهديكم في يوم من الأيام!! بس ربنا موجود وكبير قادر علي اللي عمل فيكم كدة انه يرده ليه في يوم من الأيام!!! مامي لورا يمكن تكونوا نسيتوا اسمي".