ماتت والدته فاسودت الدنيا في عينيه، وظن أن والده سيعوضه وسيكون سندا له في الحياة، ولن يتركه ولكن كانت المفاجأة والده ذهب مسرعا ليبحث عن عروسه جديدة ليتزوجها، وأخذ يردد لأولاده أنا بتجوزها عشان تخدمكم وترعاكم، أنا مش هقدر أخدمكم.

ووافق الشقيقان على زواج والدهم ومن داخلهم لا يصدقونهم ، ولكنهم وضعا أمام الأمر الواقع أن تزوج والدهم بنت صغيرة أكبر منهم بسنوات قليلة، ولكنها عاشت في دور مرات الأب سريعا فأخذت تقوي الوالد على أبنائه وتوقع بينهما، وتتسبب لهم في الطرد من المنزل والعقاب المستمر والحرمان من الأموال، وازداد الأمر عندما أراد أن يتزوج بنت عمه، ووقفت له مرات أبوه وحرضته على الرفض وحرمانه من الفلوس.. ومع هذه الأفعال قرر الأخ الكبير أن يتخلص من والده وزوجته عقابا على أفعالهم.

س/ما تفصيلات حدوث اصابتك ؟

ج/ اللي حصل ان يوم الجمعة اللي فاتت كان فيه حله محشي بايته من الليلة اللي قبلها وأبويا صلي الجمعة وبعد ما رجع من الصلاة مرات أبويا حطتلوا الاكل علشان ياكل وقعد كل لوحده ، وبعد ما كل بشويه قعد يصرخ وتعب وأخويا عمرو بعت لأخويا ربيع وخدوه وودوه المستشفي وعلقولو محاليل وبقي أحسن شويه ، وبعد كدا رجع من المستشفي بعد العصر وحالته أحسن شويه ومرات أبويا قعدت تعملو مشروبات سخنه علشان الضغط وتعملو لسان عصفور علشان ينضف بطنه من الاكل اللي كان وكله ، وبعدين راح نام شويه وانا دخلت كلت خمس صوابع محشي من الحله اللي علي البوتجاز ، وبعد حوالي ربع ساعه لقيت عمرو اخويا بيقولي القطة شمت في الحلة وروح ارميها بره البيت، وانا واقف مستنيك لحد ما ترميها ودخلت لقيت خمس أو ست صوابع مرمين علي الارض وروحت شلت الحلة ورمتها بره البيت وبعد كدا بشوية حوالي الساعة 6 مساءا قعدت اتعشيت انا ومرات أبويا وكلنا بطاطس محمرةه وجبنه وبتنجان علي فلفل وعيش وبعدها بشويه لقيت نفسي تعبت واغمي عليه وخدوني وودوني علي المستشفي، واتحجزت هناك في المستشفي وبعدها لقيت جيبين ابويا ودخلين بيه علي المستشفي واتحجزنا احنا الإثنين وده كل اللي حصل

س/متی و این حدث ذلك؟

ج/ الكلام دا حصل يوم الجمعه وانا لما كلت من المحشي كان حوالي السا عة ٦مساءا في نفس اليوم في بيتنا بعرب غمازه مساءا لما ابويا اكل المحشي.

س/من كان برفقتك انذاك؟(افهمناه)

ج/أنا كنت قاعد في البيت انا وابويا ومرات ابويا واخويا عمرو

س/ وهل من ثمه علاقه او خلافات فيما بينك وبين ثمه اشخاص آخرين ؟

ج/ لا الخلافات بين اخويا عمرو وبين ابويا ومرات ابويا

س/ وما هي طبيعه تلك الخلافات (افهمناه)

ج/ عمرو عاوز يتجوز بنت ابن عمي وابويا ومراته مش رضيين يجوزهاله وكل شويه

عمرو يسيب البيت ويمشي وبتخانق مع ابويا ومرات ابويا بسبب الموضوع ده

س/ وما هو قصد المتهم من ارتكاب الواقعه ؟

ج/ هو كان قصده يموتنا

س/ وكيف وقفت علي ذلك القصيد

ج/ علشان هو اعترف علي نفسه قدامنا