EN
كشفت الفنانة صفوة كثيرًا من تفاصيل حياتها الشخصية وخاصة أزواجها التى تعرضت بسببهم لصدمة كبيرة وهو ما كشفته فى لقاء تليفزيونى لها.
وقالت صفوة: كنت أعمل سكرتيرة في إحدى الشركات المعروفة في محافظة الإسماعيلية، وكان هناك أحد العملاء لدينا يعمل “محاسب” علم أنني اتطلقت مؤخرًا، وكان ميسور الحال لأنه عمل لمدة 14 عاما في الكويت.
واستكملت صفوة حديثها : بدون ما أفكر وبدون ما أحبه اتجوزته وعملي فرح أسطوري وشقة فظيعة وكل حاجة فوق الخيال واتجوزني بعد آخر يوم في العِدة، وأخدني الإسكندرية نزورها وقعدنا في نادٍ ليلي وعجبتني من هنا الأجواء دي وخدت البدلة من الراقصة، وقعدت ألح عليه أشتغل راقصة وأدخل المجال الفني.
وأشارت صفوة : هو كان أكبر مني بكتير، وكان عنده مشاكل نفسية وبيهيس شويه ومشاكل جسدية واتفاجئت بالموضوع ده ليلة الصباحية، وقولت لأهلي عنده شبه إعاقة، وهو بقى حاسس بضعف ديمًا.
وأكملت صفوة حديثها عن زوجها الثالث قائلة: زوجي الثالث أخد سنين عمري كلها وشبابي وفي الآخر اكتشفت إني هبلة ومكنتش متخيلة إن فيه راجل ممكن يضحك على مراته بالشكل ده، وأنا مبقتش بثق في حد بسببه، يعني لو حد بيجيبلي هدية بدون مناسبة هشك فيه.
وقالت صفوة: أنا اتطلقت من زوجي الثالث وأنا مش معايا لا فلوس ولا أي حاجة، وخاني مع واحدة أنا عرفاها وهي عارفة إني مراته، كنت فاكرة إنه بيحبني وبيحافظ على شغلي، عشان كان شغال مدير أعمالي وكان له نسبة من شغلي طبعًا، وكنت فاكره إنه بيحبني؛ لأنه كان مشغل إخواته بادي جارد ليا، وأخته تساعدني في شغل البيت، وفي الوقت ده بقيت بقول هو فيه حد كده في الدنيا؟ ده مسخرلي كل أهله يساعدوني، ولكن طلع للأسف عشان يراقبني من خلالهم، ووصلت بينا المشاكل إلى إني اتحبست بسببه بين 11 راجل في الحجز.
