EN
فتح مرتضى منصور، رئيس نادي الزمالك، النار على حسين لبيب،رئيس اللجنة المؤقتة السابقة للقلعة البيضاء، بشأن تصريحات الأخير.
وقال مرتضى منصور في تصريحات عبر قناة الزمالك: “بمناسبة ايه بتطلع تتكلم في التليفزيون وانت خليت مصير محمد صبحي في إيده وقالنا فككوا من دماغي مش هلعب لـ الزمالك”.
وتابع: “أنت طفشت فرجاني ساسي، ونسيت أشرف بن شرقى، اللى أنت سبته لحد ما المدة خلصت واللاعب مشى ولا جنش، اللى أنت عملت فى عقده شرط جزائى ب2 مليون جنيه، والبطولات اللى أنت حصلت عليها مع الزمالك باللاعبين والمدربين اللى تعاقد معهم مرتضى منصور”.
وأضاف: “أنا مش عاوز أقول المصايب اللى أنت عاملها، أنت سايب نادي الزمالك مفيهوش جنيه، النهاردة النادى فى ربع مليار جنيه”.
مرتضى منصور يرد على حسين لبيب
وأكمل: “أنت بتقول جددت عقد إمام عاشور، طيب إيه رأيك إن عقد إمام عاشور، أنت نسيت توثقه”.
واختتم: “كل البطولات اللي انت أخذتها مع الزمالك بولادي انا، وانت لم تفعل شئ للفريق”.
