أحمد موسى: فاتورة الكهرباء والمياه غالية بس لازم نتحمل شوية

وجه الإعلامي أحمد موسى، عدة تساؤلات للمستوردين وأصحاب البضائع في الموانئ، مؤكدا أن العالم يشهد أزمة «لازم نبص على الصورة العامة».

وأضاف موسى خلال برنامج «على مسئوليتي» المذاع على قناة صدى البلد، اليوم الأربعاء: هل الموجود في الموانئ المصرية قمح أو أدوية أو مستلزمات إنتاج أو وقود أو سكر أو سلع استراتيجية، مردفا: هل فيه حاجة من الستة اللي قولتهم مكدسة في الموانئ؟.

وأكمل موسى: هل الموجود لعب أطفال، ملابس جاهزة، عطور، طعام كلاب وقطط، سيارات، مضيفا: اللي عنده بضائع من اللي قولتها يبعتلي، ولا هي حاجات مش ضرورية مش بقول مش مهمة.

وشدد على ضرورة النظر لأولويات المواطن المصري، مضيفا أن المواطن يبحث حاليا عن الأوكازيون الصيفي وبحث تقليل فاتورة الكهرباء والمياه.

وتابع: «أنا بقولك الكهرباء والمياه غالية.. الفواتير بتيجي كتير أوي، لكن في ظل ذلك لازم نخلي بالنا ونتحلى بالصبر لازم نتحمل شوية».