يعانى سكان منطقة "أبوالعباس" بالغردقة حى جنوب من أزمة الصرف الصحى وذلك لعدم توصيل المنازل على الشبكة الرئيسية واستمرار استخدام "الطرنشات" كوسيلة للصرف ، الامر الذى يتسبب فى مشاجرات يومية بين سكان المنطقة ، وكذلك تكاليف باهظة عليهم لنزحها من خلال سيارات كسح الصرف الصحى .

يقول محمد حسين مصلح :"مش عارفين نعيش فى هدوء بسبب عدم توصيل الصرف الصحى الى يومنا هذا ، أخدنا وعود كتيرة ولغاية النهاردة مفيش ولا وعد اتنفذ ، كل يوم خناقات الاهالى مع بعضها بسبب طفح المجارى اليومى فى الشوارع ومش عارفين لغاية النهاردة نوصل لحل ".

وتابع حسين الشربينى :"كل يوم تكاليف علينا بسبب اننا لازم نجيب عربية كسح تشفط مياه الصرف ، وبنقسم الفلوس بينا وبين الجيران ، فى ناس بتدفع وناس مش بتدفع وده بيعمل مشاكل يومية ، الصرف بيغرق الشوارع والناموس مبهدلنا ، وبيزيد فى الصيف.

وتساءل علي النوبى :"لحد امتى هنفضل نستنى توصيل الصرف على الرغم من أن كل الشوارع اتسفلتت وده معناه أن مواسير الصرف جاهزة ، طيب ليه التأخير وليه التأجيل احنا بنعانى بشكل يومى وعايزين حل.