EN 
عرض برنامج "صباح الورد" فقرة غنائية أبهرت المتابعين، مع المطرب الشاب فوكس، الذي قام بغناء أغنية "وتلف بيك السنين" بطريقة غناء الأكابيلا.
وقال فوكس، أثناء استضافته ببرنامج "صباح الورد" المذاع على فضائية "تن": "اسمي الحقيقي أحمد مصطفى، وعندي 31 سنة، وزمايلي أطلقوا عليا فوكس من أيام المدرسة عشان كان عندي خطة بديلة لأي حاجة".
وأوضح أن “الأكابيلا”، هو نوع من الغناء يغنى بدون موسيقى، ويعتمد على ألحان الصوت، ولا يستخدم آلات موسيقية، وهو فن قديم، وإيطالي الأصل.
وأضاف: "في الوطن العربي علاء وردي هو أكتر حد متخصص في النوع ده، لأنه بيلعب و بيوزع لوحده، أنا معنديش القدرة دي، بس أنا بستخدم غناء الأكابيلا، إني أنقل الحالة اللي جوايا بكل حاجة فيها، لما بتسمع بتحس إنك بتسمع أغنية كاملة مش ناقصها حاجة".
