EN
ننشر نص التحقيقات الكاملة في قضية "نفيسة.ح"29 سنة"المتهمةبارتكاب جريمة الزنا بالاشتراك مع المتهم "عبد المنصف. أ" في المقطم والجمع بين زوجين .
وجاء في نص أقوال المتهمة..
س: ما الذي حدث وما هى ظروف ضبطك وإحضارك وعرضك علينا؟
ج: اللي حصل ان حصل خلافات بيني وبين اخوات زوجي وبعد كده سبت الأقصر في شهر فبراير اللي فات عشان ابعد عنه وجيت القاهرة أقعد عند أختي أم هاشم بمساكن المقطم ولما كنت قاعدة عندها قالتلي هي وجوزها شحات إن جوزي عبد النبي طلقني و طلعولي قسيمة طلاق ووروها لي بس أنا مش بعرف اقرا ولا اكتب وبعدين قالولي مين هيخلي باله منك ومن عيالك ويصرف عليكو وقالولي اتجوزي عبد المنصف علشان ياخد باله مني ومن عيالي وبعد كده أجر لي شقة في بلوك 178 مساكن العبد وفي شهر يونيو اللي فات قابلت عبد النبي في رمسيس واعطاني فلوس وطلعت معاه فندق رمسيس ومش فاكرة اسمه وساعتها عاشرني معاشرة الأزواج وبعد كده سبته ورجعت عند اختي وامبارح تفاجأت بعبد النبي بيخبط علي بابا الشقة بس أنا مكنتش اعرف انه هو اللي بيخبط مردتش افتح له ولما كلمت اختي قالتلي صوتي ولمي عليه الناس وبعد كده لقيت الحكومة بتخبط على الباب ففتحت لهم ونزلت ورحت معاهم علي بيت أختي وبعد كده اخدوني انا ومنصف بعد ما جاب عقدين الجواز العرفي اللي احنا كاتبينهم وودونا القسم.
س: متى وأين حدث ذلك؟
ج: الكلام ده حصل بتاريخ 22 يوليو 2022 الساعه 2 صباحا
في المقطم
س: من كان برفقتك آنذاك؟
ج: انا كنت في الشقة لوحدى ومعايا ولادي الاثنين واسمهم عمر وحمدي
س: متى حدثت واقعة طلاقك من المدعو عبد النبي؟
ج: اختي وجوزها وروني قسيمة الطلاق في شهر فبراير اللي فات
س: من هو القائم على إبلاغك بها تحديدا؟
ج: اختي وجوزها
س: هل من ثمة شهادة قيد طلاق لديك؟
ج: انا معرفش مين الشهود
س: هل قام سالف الذكر بمعاشرتك معاشرة الأزواج عقب علمك بطلاقه لك ؟
ج: أيوة
س: ومتى وأين حدث ذلك؟
ج: الكلام ده حصل في شهر يونيه اللي فات في فندق في رمسيس معرفش اسمه
س: ما تعليلك لقيامك بذلك وأنت على علم بطلاقه لك؟
ج: علشان اختي وجوزها اجبروني علي كده
س: ما الذي أخبرك به كل من شقيقتك وزوجها؟
ج: هما قالولي روحي قابلي عبد النبي لما اتصل بيا أروح أشوفه
س: متى وأين قمت بالزواج من المدعو عبد المنصف
س: انا اتجوزته فى شهر فبراير اللي فات
س: أين كنت تقيمين فترة زواجك من عبد المنصف
ج: عبد المنصف اجرلي شقة اللي انا عايشة فيها دلوقتي
س: وما هي ظروف تقابلك مع عبد المنصف؟
ج: انا اعرفه علشان هو قريب عبد النبي وانا كنت قاعدة مع عبد النبي في الأقصر
س: وهل قام زوجك عبد النبي بتطليقك؟
ج: ايوة
س: وهل الطلاق بائن أم رجعي؟
ج/ بائن
س: وهل تم الطلاق رسميا على يد مأذون؟
ج: ايوة كان رسمي علي يد مأذون
س: وهل قام زوجك عبد النبي بردك؟
ج: أيوه
س: وهل تم الرد رسميا على يد مأذون؟
ج: ايوه هو ردني رسمي عند ماذون
بلاغًا من عامل يفيد بضبط زوجته في أحضان عشيقها
وكانت غرفة عمليات شرطة النجدة، تلقت بلاغًا من عامل يفيد بضبط زوجته في أحضان عشيقها داخل شقة مستأجرة في منطقة المقطم، وانتقل رجال المباحث لمكان الواقعة.
وتحفظ رجال المباحث على ربة منزل وعشيقها، وبسؤال المبلغ أفاد أنه ضبط زوجته داخل شقة مستأجرة بدائرة القسم، وتحرر محضر بالواقعة وتولت النيابة العامة التحقيق التى أمرت بحبسهما 4 أيام على ذمة التحقيقات.
