بعد نتيجة الثانوية العامة ودعمها للطلاب .. هذا مجموع سمية الخشاب |فيديو

السبت 06/أغسطس/2022 - 09:10 م

ظهرت اليوم نتيجة الثانوية العامة ؛ وتساءل العديد حول نتيجة الفنانة سمية الخشاب في الثانوية العامة خاصة بعد الدعم الكبير التي قدمته للطلاب.

وكانت سمية الخشاب قد قالت في تصريح سابق بمداخلة هاتفية لبرنامج "خلاص صحينا" من تقديم مارينا المصري عبر محطة نجوم إف إم: " لو هيكون لي لقب أحب يكون (بنت البلد)، وبقول لطلبة الثانوية العامة ما تقلقوش وما تخافوش".

وأضافت: "الثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها".

وتابعت سمية الخشاب: "أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد".

https://fb.watch/eKrGigqfSc/

واختتمت سمية الخشاب حديثها قائلة: "أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها، وبحضر لمسلسل قريب وهيكون حاجة مختلفة جدا إن شاء الله، وعندي أغنية جديدة هتقلب الدنيا".

سمية الخشاب توجه رسالة للطلاب بعد ظهور نتيجة الثانوية العامة:

وجهت الفنانة سمية الخشاب ، رسالة لـ طلاب الثانوية العامة ، من خلال تغريدة نشرتها عبر حسابها على موقع تويتر .

وكتبت سمية الخشاب: “ألف مبروك للناجحين ويارب تتقبلوا في الجامعات اللي نفسكوا فيها، واللي مجبش المجموع اللي هو عايزه السنة دي بقوله ولا يهمك مش نهايه العالم ".

وأضافت : ادخل الكلية اللي يجيبها مجموعك واثبت نفسك فيها ، ولسه قدامك فرصة تانية وتالتة وركز في اللي جاي وربنا يوفقكم كلكم حبايبي ”.

نتيجة الثانوية العامة:

وقال الدكتور طارق شوقي وزير التربية والتعليم إن نتيجة الثانوية العامة 2022 أصبحت متاحة منذ ظهر اليوم السبت من الساعة 12 ظهرا لجميع طلاب الثانوية العامة.