EN 
قدم الدكتور محمد كمال مدرب دولي تنمية بشرية و خبير قانوني بعض النصائح لطلاب الثانوية العامة وأولياء الأمور بمناسبة قرب ظهور النتيجة فلن يتبقي إلا ساعات قليلة على ظهور نتيجة الثانوية العامة .
نتيجة الثانوية العامة على موقع صدى البلد 2022
وقال مدرب التنمية البشرية من خلال منشور له عبر حسابة الشخصي بمواقع التواصل الإجتماعي فيس بوك الأتي :
بمناسبة نتيجة الثانوية العامة رسائل للجميع طلاب وأولياء أمور ومعارف:
1- لو طالب واجتهدت وعملت كل اللي عليك يبقي مبروك عليك أي مجموع تجيبه واعرف إن ربنا أكيد رايد لك الخير أكتر في المجموع اللي هتجيبه، لو غشيت اعرف إن ربنا مش هيبارك لك أبدا إن مكانش النهاردة يبقي في الجامعة يبقي في الشغل او في حياتك فما بني علي باطل فهو باطل وإن كنت فلتت من حساب الناس أو ساعدوك فلن تفلت من حساب الله.
2- لو انت ولي أمر وابنك عمل اللي عليه يبقي ألف مبروك علي ابنك وعليك مجموعه أيا كان، بارك لابنك أو بنتك طبعا الكلام يشمل الاتنين، بس البنات أكتر عشان بيحسوا أكتر أنا كنت طالب ثانوية واختي معايا في نفس السنة وعارف ودلوقتي بقيت ولي أمر ودكتور جامعة وعارف فرفقا بولادكم وخاصة البنات.
3- لو كنت واعد ابنك بهدية هاتها له أيا كان مجموعه ما دام عمل اللي عليه وبذل كل جهده بلاش تكسر بنفسه في اليوم ده بالعكس ده اليوم اللي تقف جنبه فيه لإنه عمره ما هينساه زي ما انا واخواتي فاكرين مواقف والدنا الله يرحمه وإمنا الله يرحمها معانا في اليوم ده برغم تقصيرنا ووقوفه ده كان دافع لينا بقية حياتنا.
4- لو انت بقي لا طالب ولا ولي أمر فيا ريت بلاش تتصل بحد تسئله عملت إيه إلا لو العلاقة بينكم تسمح ب ده، وآخرك تبارك وبس، أو تقول ربنا يكتب له الخير وبس، متدخلش بقي في سكة الواعظ والمفروض كان الولد عمل كذا المفروض كنتم عملتم كذا لإن اللي علي البر عوام ونبقي نشوفك انت وابنك هتعملوا ايه وهو في الثانوية او في بقية حياته.
