EN 
«ألف مبروك للغالي حبيب قلبي وأخويا الأستاذ محمد، سقوط ابنه ادهم في الثانوية الأزهرية».. منشور دونه أحد نشطاء مواقع التواصل الاجتماعي «فيس بوك»، يُدعى أحمد عبد الرحمن القاسم، عبر حسابه الشخصي، ومن ثم ذاع انتشاره على نطاق واسع، ليثير الجدل تاره والسخرية تارة أخرى بين الرواد، حتى أصبح المنشور مادة خصبة للحديث، بين الشباب والفتيات.
بداية الجدل
نشر أحد نشطاء السوشيال ميديا ويدعى أحمد عبد الرحمن القاسم، منشورا على صفحته عبر فيس بوك، جاء فيه: "الف مبروك للغالي حبيب قلبي وأخويا الأستاذ محمد، سقوط إبنه أدهم في الثانوية الأزهرية، عشان لما أقولك أنه طول النهار بيصرمح في مدارس الدبلومات ما تقوليش إبني حافظ كتاب الله وإن شاء الله هيبقى دكتور، وهيكشف عليكوا ببلاش".
وأضاف: "وعموما الدكتور طافش عندنا من الصبح، وناسف نص علبة سجائر لحد دلوقتي، أقطعلك كشف تيجي تشوفه".
وانطلقت مئات من التعليقات بين السخرية والرفض، بجانب الاستهجان حول ذلك المنشور، ليدخل القاسم أيضا في نقاش مستمر مع متابعيه، بجانب خلق حالة من السخرية والمزاح بين الجميع.
ردود أفعال متناقضة بين الشباب
ردود الأفعال لم تسر على وتيرة واحدة، إذ تجد بعض الشباب تفهم الأمر على أنه مزاح بين أصدقاء، وآخرين انتقدوا شماتة القاسم في ابن اخيه.
من بين تلك التعليقات، أحد المتابعين قال: «الرجالة الفرحانة صعبانين عليا، ده انتوا هتشوفوا سواد، أنا واحد شايف ان السقوط مش نهاية الكون، لكن مش لدرجة الشماتة، الأب بيفضل مديون بعد الدروس والتعب على ابنه، وده مينفعش يكون مادة للهزار، لأن لو ده حال العائلة يبقى مرض نفسي يحتاج علاج».
بينما دخلت والدة أدهم على الخط قائلة: "وال40 في المية دول يدخلوك ايه يا أدهم يا ابني، ده لو هاندخلك الحمام مش هايقضوك، يلا على المعرض مع أبوك، يا شماتة عمك الواطي فينا".
رد العم على التعليقات
بعد كمية كبيرة من التعليقات والتفاعل، وظهور أكثر من شخص بكوميكس يوضح أنه أدهم، تفاعل القاسم مع الجميع.
وجاء رد القاسم على المنتقدين بقوله: "قلنا البوست للهزار، واحنا ناس بنحب الضحك، ومحدش مريض نفسي فينا بيزعل من هزار، وبنموت في القلب على بعض، أحنا احرار.. احنا كده، وما تزعلوش قوي، أدهم مليون جنيه وهنخليه ياخد طب من برا البلد، بس لما يدي مريض فيكوا حقنة يجيب أجله افتكروا تعاطفكوا معاه، واطمنوا أدهم قاعد اهو مع عمو بينصص معايا في علبة السجائر".
وأضاف القاسم في رد آخر: "عاوز تضحك معانا اضحك واطمن على ادهم، هيبقى دكتور على حسابي، هاخليه دكتور، ابن اخويا بقى، وانتو الخسرانين".
وتابع: "لكن حد هايقل أدبه بلاش.. عشان فيا لسان ارد، بس أنا ما بحبش ازعل حد، وزي ما قلتلكوا ابن اخويا محدش هايخاف عليه قدي".
شيخ الأزهر: نسبة النجاح 57.31%
كان فضيلة الإمام الأكبر الدكتور أحمد الطيب، شيخ الأزهر الشريف، قد اناب الدكتور محمد عبد الرحمن الضويني، وكيل الأزهر، لاعتماد نتيجة الدور الأول للشهادة الثانوية الأزهرية للعام الدراسي 2021-2022م، بأقسامها العلمية المختلفة (الأدبي- العلمي- العلوم الإسلامية- معاهد فلسطين الأزهرية).
وأعلن وكيل الأزهر الشريف في مؤتمر صحفي بمشيخة الأزهر، عن اعتماد نتيجة الثانوية الأزهرية لهذا العام بنسبة نجاح عامة (57.31%)، حيث بلغت نسبة النجاح في القسم الأدبي (50.97%)، وبلغت نسبة النجاح في القسم العلمي (68.55%)، لتكون نتيجة القسمين معًا (57.31%)، فيما بلغت نتيجة شعبة العلوم الإسلامية نسبة النجاح (97.2%).
