EN
حالة من الجدل أثيرت في المحلة الكبرى، عقب نشر فتاة منشور يحمل هاشتاج عروسة المحلة، والتي تروي من خلاله إهانة ميكب ارتيست لها، بعد الإتفاق على ميكب سوارية، لتتفاجئ الأخيرة بأنها خطوبة.
تعليق عروسة المحلة على الواقعة
وعلقت عروسة المحلة عبر حسابها الرسمي بموقع الفيسبوك، «أولا أنا بجد بشكر كل الناس اللي دافعت عني،ثانيا يا جماعة أنا اليوم عدى على خير ونزلت من عندها قولت في سري بس حسبي الله ونعم الوكيل، وروحت البيت وعملت ميكاب لنفسي واتصورت سيشن وكانت الخطوبة حلوة والموضوع أصلا نسيته ومكنش في بالي خالص».
وأكدت عروسة المحلة، صحة ما تداوله رواد السوشيال ميديا لموقع صدى البلد، مضيفة: « أنا مش متابعة أي حاجة على الفيس بوك وانا مسامحاها عادي لأني عرفت إن هي فعلا تعبت وربنا يشفيها الأول والآخر دا مصدر رزقها وعمري ما أكون سبب في قطع عيش حد وربنا يعوضها خير».
تواصل زوج الميكب ارتيست مع عروسة المحلة
وقالت عروسة المحلة ، في تصريحات لموقع صدى البلد، إن زوج الميكب ارتيست تواصل معها للحديث عن الواقعة من خلال بث مباشر، « قالولي اطلعي اتكلمي في لايف معانا عشان أقول كلام محصلش، بس مش هعمل كدا أكيد».
تفاصيل واقعة عروسة المحلة
وكانت عروسة المحلة روت تفاصيل الواقعة، في تصريحات خاصة لـ صدى البلد، أنها استقرت على حجز ميكب الخطوبة مع ميكب ارتيست تدعى نورا، وعندما سألت عن الأسعار الخاصة بها على الصفحة الرسمية لها، فكان سعر الميكب السورية مناسب للعروس وهو 450 جنيها.
وتابعت عروسة المحلة، «أنا كنت عايزة ميكب بسيط، وكان السعر ده مناسبني عشان كدا حجزت، أنا مضحكتش عليها في حاجة، وبعد ما خلصنا، معجبنيش لأن المساعدة عملتلي ميكب أوڤر، بس متكلمتش».
