وقعت مشادة كلامية بين الاعلامية لميس الحديدي وعضو نقابة الاطباء الدكتور خالد أمين عضو لجنة أداب المهنة بنقابة الاطباء على أزمة أحمد حسام ميدو حيث قالت الاعلامية الحديدي : “ممكن يكون إستخدم ألفاظ قاسية أو عمم لكن مواطن ومن حقه يشتكي وأكيد مش مختلق قصة ومش كل واحد نختلف معاه نوديه النيابة .. ليرد الاخير : يروح يشتكينا في النيابة .. لترد الحديدي : هو كل حد يشتكي من جهة نوديه النيابة كده الناس مش هتنطق”.

تابع “أمين” خلال مداخلة هاتفية في برنامج "كلمة أخيرة" الذي تقدمه الاعلامية لميس الحديدي على شاشة ON: يروح يشتكي ومايعملش فيديو لايف، والحديدي تعقب: يروح النيابة ليه يشتكي هناك إنت عارف كويس أنه لو راح للنقابة كان هيبقى مصير الشكوى زي أخطاء الاهمال الطبي ومش هيوصل لحاجه .. ليعقب أمين : ده مش حقيقي جهات التحقيق بتاخد حق الناس وبيتم التحقيق مع أطباء ويتم التعامل معهم بمنتهى الشدة وناس كتيرة حقها رجع .. إحنا عاوزين نكرس لدولة القانون.

وقاطعته مجدداً : إيه علاقة الشكوى بدولة القانون ملهاش علاقة ؟ ده مواطن عنده مشكلة .. ليرد قائلاً : هو مقالش أنه راح ملقاش دكاترة هو عاوز دكاترة كبار من نوع خاص

أكمل : "الالتزام بوجود الاطباء كبار وصغار بتكون أكثر قسوة وتواجدهم في المستفشيات بيخضع لتعليمات مشددة أكثر من الايام العادية".

وعقبت الحديدي : ليه بدال ماتكلموا الراجل تسألوه في شكوته نوديه النيابة مبقاش حد عارف ينتقد أطباء ليه ؟ ليرد : "ده مش دورنا أني أفتش على المستشفيات ده دور النيابة العامة المفروض يروح يقدم تفاصيل كشوته هناك ".