الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

عادل الفار: جيل الكوميديانات الجديد قعدّوا هاني رمزي وأحمد آدم في البيت

صدى البلد

حل الفنان عادل الفار ضيفا على موقع صدى البلد، وكشف عن أبرز المحطات فى حياته الفنية وتفاصيل وعكته الصحية التى تعرض لها الأشهر الماضية. 

وقال عادل الفار خلال ندوته بصدى البلد :" أحمد مكى بيضحكنى ،وأحمد آدم عملت معاه فيلمين وبيضحكنى برضه وطبعا الزعيم عادل إمام كان بيحبني أوى ".

وأضاف عادل الفار :" فى جيل طلع هو اللى شغال للأسف ، هانى رمزى وأحمد آدم مبيشتغلوش مع أن ليهم تاريخ اختفوا فجأة وطلع جيل دمهم مش خفيف.

 كشف عادل الفار عن تفاصيل الأيام الأخيرة فى حياته نجله الراحل شادى، قائلا: "ابنى مات فجأة وهو عنده ٣٥ سنة ولا اتجوز ولا خلف".

وأضاف عادل الفار: حياتى اتغيرت بعد موته بقيت ملتزم أكتر ومبقتش أهزر وأخرج، موضحا:" ابنى كان بيحب التمثيل وشغلته فى مسرحية ومكملش عشان كسول".

وكان شادي، نجل الفنان عادل الفار، قد توفي  بعد تعرضه لأزمة صحية فى فبراير الماضى.

وقال عادل الفار في تصريحات صحفية إن ابنه شادي كان يعاني من أزمة صحية شديدة وتم نقله لأحد المستشفيات ثم رحل عن الحياة وأقيمت  وتم دفنه بمقابر الأسرة . 

وكان آخر منشور لشادي قبل وفاته عبر حسابه على فيسبوك: “هو فيه ايه الدنيا جرا فيها ايه هو انا عايش ولا مت ودخلت النار حد يرد عليا حد يفهمنى من بعد الحب والود والعيش والملح وطبعا الأهم المصالح الطالعة وقتها انما دلوقتى الوقت الى محتاج فيه لكل الناس بيطلعوا فجروا أول مايشفونى وعجبي الصاحب لما يبيع صاحبه ويحلقله”.