اعرف أصلك| نائبة: مينفعش أخرج مع جوزي وكل واحد يدفع لنفسه ..فيديو

أكدت نشوى الشريف، عضو مجلس النواب، أن أصبح هناك العديد من الثقافات داخل المجتمع المصري.

معقبة: "احنا اللي بندخل الثقافات الغريبة ديه بيتنا، وللأسف عصر السرعة اللي احنا عايشين فيه مبقيناش ملاحقين من كتر المدخلات اللي بقيت في مجتمعنا".

وأضافت نشوى الشريف خلال لقائها مع برنامج "كلام الناس"، المُذاع على فضائية "إم بي سي مصر"، قائلة: "غير مقبول تماماً حوار إن أبقى خارجة مع جوزي أو خطيبي ويدفع هو لنفسه، وأنا أدفع لنفسي .. الأمر ده غير مقبول تماماً .. ده لا تحضر ولا تقدم .. اعرف أصلك قبل ما تقلد الغرب".

وقالت عضو مجلس النواب: "أنا ضد نماماً انك تقلد غيرك عشان تبقى متقدم .. بالعكس ده منتهى الرجعية .. لأنك بتنقي حاجات معينة عايز تطبقها".

وأكملت "الشريف" قائلة: “الراجل لما يسيب البنت هي  اللي تدفع، بتنقص رجولته .. لأن البنت بتحب تحس إن هي اما تكون عايزة أي حاجة الراجل اللي معاها هو اللي بيقوم بالدور ده أنه يجبهلها فقط .. والبنت المفروض تطلب حاجات في مقدور ظروف الرجل”.