فاطمة عيد: ضرتي بتحبني أكثر من نفسها وأؤيد استقالة هاني شاكر

حلت المطربة الشعبية فاطمة عيد ضيفة ببرنامج كلام الناس والمذاع عبر فضائية mbc  مصر تحدثت خلاله عن مشوارها الفنى ورأيها فى قرار اعتزال الفنان هانى شاكر نقيب الموسيقيين وجاءت أبرز تصريحاتها كالتالى :

جوزي انبسط| فاطمة عيد : ضرتى بتحبني أكتر من نفسها

قالت المطربة فاطمة عيد ، أنها أقامت علاقة صداقة بينها وبين الزوجة الأولى لزوجها "ضرتها" وعقبت "ضرتى بقت بتحبنى أكتر من نفسها وجوزى بقى مبسوط ".

وأشارت فاطمة عيد خلال استضافتها ببرنامج كلام الناس والمذاع عبر فضائية mbc  مصر ، إلى أنها لا تخاف مطلقا من زواج زواجها عليها معقبة " لا ميقدرش يتجوز عليا أنا واثقة من نفسى وطبيخى محصلش ربنا بيسعده اللى يبعلته زوجة صالحة".

فاطمة عيد: الناس دلوقتى مش رايقة تسمع أغانى

قالت المطربة الشعبية فاطمة عيد، إنها لم تغيب عن الغناء ولكن المهنة حاليا تغير شكلها ومحتواها و تغيب روح التشجيع وعقبت " بزعل لما بشوف المهنة حصلها ركود ".

وأضافت فاطمة عيد أنها تفرح كثيرا عند إحيائها أى فرح بمقابل أو بدون ولكن الناس دلوقتى مش رايقة يسمعوا أغانى  " .

فاطمة عيد: كان نفسى أخلف ولد بس ربنا مبيتعاندش

قالت المطربة الشعبية فاطمة عيد  إن أمنية حياتها كانت إن ترزق ب ولد ولكن ربنا مبيتعاندش وخلفت  4 بنات وبعد كده قلت خلاص ربنا عايزلى بنات  ".

وأضافت: ابنتى شيماء لم تختفى عن الغناء ولكن المطرب له فترات صعود وهبوط وتزوجت من منتج غنائى قائلة  ”ربنا محرمهاش من حاجة  ".

تنقلب لضدها| فاطمة عيد : أؤيد هاني شاكر في قرار استقالته

علقت المطربة الشعبية فاطمة عيد على قرار استقالة هانى شاكر من منصب نقيب الموسيقيين ، وقالت “عيد” انها لم تكن تعرف تفاصيل الاستقالة".

وعقبت: "النقيب المفروض انه القدوة لينا كلنا ولكن الحاجة لو زادت عن حدها بتتقلب لضدها وسكاته مش ضعف منه ولكن هو احترم اللى قدامه ومؤيدة قرار شاكر لأن شاف انه مفيش حد بيحترم حد".