اوكي ملابس زوجي واطبخ له.. هنادي مهنا تكشف وصايا والدتها لها قبل الزواج
تفاصيل تعرضها للتنمر على السوشيال ميديا وفقدانها للثقة في نفسها
هنادي مهنا: الشائعات عن خلافاتي مع أحمد بتضحكني وأحمد خالد صالح مش بيقولي ستو أنا
هنادي مهنا عن مكتوب عليا : أكتر عمل فرحني وإداني طاقة إيجابية
هنادي مهنا: الجمال مش شرط يبقى البوابة للنجومية وهذا الأمر أهم

لجأت لطبيب ساعدني.. هنادي مهنا تكشف سر خسارتها للوزن
هنادي مهنا: وزني زاد بسبب الدلع والمسقعة والمحشي

كشفت الفنانة هنادي مهنا، تفاصيل الوصية التي اوصتها لها والدتها قبل الزواج من الفنان أحمد خالد صالح.
وقالت هنادي مهنا، إن :"امي وصتني اكوي ملابس زوجي، واهتم بكل تفاصيله، واطبخ لزوجي وجبات واطعمة يحبها".

وقالت الفنانة هنادي مهنا ، إن ضغط المجتمع عبر السوشيال ميديا، وبالاخص الانستجرام لوضع معايير ضاغطة على الفتيات من ناحية الشكل أمر سيء للغاية
تابعت هنادي مهنا، أن :إنستجرام بالذات 99% كل الصور الي فيه مش حقيقية كله فوتوشوب وفلتر، ورغم ذلك انا بالنسبة لي مش مهم الشكل ولا الرشاقة ولا غيره أهم شيء يبقى الانسان مبسوط من جواه وهوا بيبص لنفسه في المراية مش مهم رأي حد تاني.

سخرت الفنانة هنادي مهنا، من شائعات إنفصالها عن زوجها أحمد خالد صالح، قائلة " الموضوع مضحك وبيضحكني أوي، وقلت كويس أنهم مشغولين في الكلام وده، ومتخيلين أن بينا خلافات أحسن مايحسدونا ".

ورداً على سؤال الاعلامية لميس الحديدي هل تشعر بالغيرة على زوجها، تابعت خلال لقاء لبرنامج " كلمة أخيرة " الذي تقدمه الاعلامية لميس الحديدي على شاشة ON"، أن : أكيد زي كل البني أدمين بس مش بتخانق وهو بيغير عليا في حدود الطبيعي، ‏و أحمد خالد صالح مش بيقولي ستو أنا رغم إن الناس كلها بتقولي كده‏"
وكشفت أنها أحيانا تقوم بفتح موبايل زوجها لكن ليس لشيء سوى لاخذ صور بعينها أو خلاف ذلك وأن "

ووجهت الحديدي لها سؤال : تعملان سوياً في المجال الفني، هل لو نجح أحدكما أكثر من الاخر من الممكن أن يولد غيرة، قالت : " بالعكس مافيش مجال للمنافسة بين راجل وست لكن على أية حال أتمنى أني نجح أكتر وببقى فرحانه لما ينزله حاجه وبكون متحمسه في دعمه وكأن الدور لي ".

وعن وجود خطوط حمراء في الادوار التي تقدمها قالت : "عندي خطوط حمرا ء زي أي حد، بس مش براعي في الاخر أني بشتغل في مجتمع مصري وبتخيل شعورهم وهما بيشوفوا اي فنان في التفلزيون المفروض هو قدوة وفيه ناس ممكن تقلد فأتمنى دائماً أكون قدوة للاسر تجاه أبنائهم ومش عاوزة أعمل حاجة تضايقهم أو تكون مختلفة عن مجتمعهم ".

أكدت الفنانة هنادي مهنا، أن دورها في مسلسل " مكتوب عليا " قفزة في مسيرتها الفنية، وأنه يمثل الكثير لها كونه السبب في منحها طاقة إيجابية وفرحة غير عادية.

وتابعت هنادي مهنا، أن ": "أنا شغالة في المسلسل ده كنت بقلهم أنا جاية أتعالج عندكم نفسياً من كتر الفرحة والطاقة الايجابية.

نفت الفنانة هنادي مهنا، أن يكون الجمال عامل وعنصراً مهماً لبوابة النجومية في المجال الفني، قائلة : " مالوش علاقة بالجمال لكن بالشطارة والخبرة والروح ، والاساس في الجمال أن يكون ذلك من الداخل قبل أن يكون في الظاهر والمهم يكون جميل من جواه والي جوه هو الي بيوصل للناس".

أكدت الفنانة هنادي مهنا، أن أكتسابها للوزن كان لفترة مؤقتة، ولم يكن ضمن ملامح شخصيتها في السابق.

وأوضحت هنادي مهنا، ان : "جربت حاجات كتيرة جداً، وماخستش، فرحت لدكتور، وايا ما كان ما فعلته عند الدكتور عشان أخس، لكن الموضوع في النهاية مكنش إستسهال، وقبل الخطوة دي عملت كل حاجة، دايت ورياضة ولكن إضطريت في النهاية لتدخل الطبيب، ومش شرط يكون جراحة في أساليب كتيرة جداً للتخسيس.

كشفت الفنانة هنادي مهنا، سر رشاقتها وخسارتها لوزنها، قائلة : " كلنا بنروح في فترات إكتئاب أو ضغط، وزنه بيزيد مش بيعرف ياخد باله من نفسه أو بتخليه ياكل كتير، وأنا عايشة في أسبانيا وقت الجامعة كنت بتحرك كتير أوي، ومكنش فيه حد بيطبخ فكنت رشيقة ".

وأضافت هنادي مهنا، أن : "لما جيت مصر كان فيه دلع كتير أوي، رمحشي وحمام ومسقعة، ودي حاجات ماينفعش تتساب وماتتكلش".

وأكملت هنادي مهنا، أن : " كنت بدرس في أسبانيا في مجال هندسة الصوت في مجال الموسيقى، لاني كنت بحب المزيكا أوي، وكان حلمي أني أغني قبل التمثيل وإكتسبت ده من الجينات من أبويا ".

واصلت مهنا، أن :"لما جيت مصر إشتغلت مدرسة ، ودرست كذا حاجة وكنت فاتحة شركة مع بابا، وأنا بحب أشتغل من صغري، ومش بحب أقعد في البيت، ومش بعرف أقعد في البيت ".

إستطردت : " لما إشتغلت ممثلة مكنتش مستوعبة طبيعة الشغلانة، وأن الشغل موسمي ممكن يبقى مكثف شهرين متتالين، ثم شهرين أخرين قاعدين في البيت مش بنعمل حاجة، ودي كانت حاجة بالنسبة غريبة، وكنت بقول فيه حاجة غلط لاني متعودة على الشغل اليومي وأني أنام وأصحى عشان ورايا شغل ".

أكملت :" أول مامثلت الدنيا مامشيتش أوي، وفضلت سنتين أشتغل ومافيش حاجة تتذاع لحد أول عمل، وهو افراح إبليس الي لسه معروض قريب، رغم الانتهاء من تصويره منذ فترة طويلة، وعملت كمان فيلم ووقف كل ده سببلي في فترة من الفترات، إكتئاب وكنت قاعدة في البيت فقعدت أكل".

وكشفت عن أن جمهور السوشيال ميديا وقتها إنتقدها وكان حقهم، وأنا في الاساس شكلي كان زي دلوقتي، بعد فقد الوزن، لكن الفترة دي كانت سبب في زيادة وزني حينها ".