ناشدت الاعلامية لميس الحديدي، على خلفية أزمة مدفن عائلة عميد الادب العربي طه حسين بضرورة إجراء حوار بين الجهات المختلفة المسؤولة عن تلك الإجراءات أو عمليات تطوير الطرق بين عائلات أصحاب المدافن.

وقالت الحديدى خلال تقديمها برنامج "كلمة أخيرة" والمذاع عبر قناة "اون"، :"لازم يكون فيه ممثل لتلك الجهات يتحاور ويتناقش مع العائلات لازم نكلم الناس في أزمة العميد طه حسين محافظة القاهرة بتقول مافيش حاجات وماتعرفش حاجة".

وتابعت:"إذا كان فيه حوار وطني واسع لكافة أطياف المجتمع إزاي مايبقاش فيه حوار عن المدافن؟ محتاجين نكلم بعض ونكلم الناس ونعرفهم إيه اللي هيحصل مش الناس تصحى تلاقي علامة X على مدفانها في مشاعر من قبل تلك العائلات تجاه رفات ذويهم، خاصة وأنه يتعلق بمدفن عميد الادب العربي طه حسين الي رفعوا راية مصر وغيروا التاريخ ".

وأضافت:"نكلم الناس وأكيد عندنا مهندسين يقدروا يغيروا طريق المحور 20-30 متر.. الناس اللي معندهاش تاريخ بتشتري تاريخ، وإحنا في مصر عندنا كل التاريخ عندنا القاهرة الخديوية الي بنحافظ عليها والفاطمية خلونا برضه، وأنا متأكدة انه فيه حل".