EN 
كشف سليمان رضا، عم الطفلة رقية آخر التطورات بعد تجميع مبلغ الـ 40 مليون جنيه ثمن الحقنة، قائلًا :" رقية بخير الحمد لله ومستنيين بعض الإجراءات تخلص وتاخد الحقنة وحاليًا منتظرين إخطار من وزارة الصحة".
وأضاف سليمان رضا خلال مداخلة هاتفية ببرنامج "صباح الورد" والمُذاع عبر فضائية "تن"، :" كلنا كنا فرحانين لما شوفنا ان المبلغ خلاص كمل والفرحة مكنتش في البيت بي دي كانت في المنطقة كلها وخارج المنطقة كمان".
وتابع :" الخطوة اللي الجاية إن بعد ما إخطار وزارة الصحة بيجي بيتعملها بعض الفحوصات وبعد كده الحقنة بتتجهز خلال 12 يوم وبعدين بتاخده وبتعمل علاج طبيعي بعدها ونتيجة هذه الحقنة بتظهر خلال سنة ".
وأكمل :" التبرعات تمت تحت إشراف وزارة التضامن وملمسناش جنيه بإيدينا وأي إشاعات عن إن الموضوع مش حقيقي وأنه مفيش رقية الصفحات دي بتقول كده عشان تعلي الريتش بتاعها مش أكتر واحنا الناس عرفنا ومستحيل نعمل كده ".
