EN 
نشرت الفنانة عبير صبرى تعليقا عبر حسابها على موقع التواصل الاجتماعى انستجرام تهاجم فيه السوشيال ميديا وتطالب بوجود رقابة عليها.
وقالت عبير صبرى : “الضغوط على الناس والشباب عالية جدا، خصوصا على السوشيال الميديا الشريرة اللي بتوري صورة للناس على إنهم متميزين وبيرفكت من خلال صور مزيفة ومش حقيقية، وصور بالفلاتر وصور الأكل الفاخر والملابس الفاخرة والسفريات للمالديف وغيره والشنط الغالية والأجسام وعمليات النحت، وعايزة أبقى شبه فلان أو فلانة وعايز أبقى مشهور وخلاص”.
وأوضحت عبير صبرى : “حتي لو شهرتي قايمة على إني أتصور وخلاص واسمي اللي بعمله بلوجر، وده شيء بلا محتوى أو قيمة حقيقية وعايز تليفون زي اللي في إيد صاحبي وقرف كتير والشباب مش عارف يبقى سعيد لأنه عايز ساعة غالية وعربية غالية، ومبقاش حد بيدور على معنى السعادة الحقيقية، وكل الناس بتقلد بعض، أرجوكم السوشيال ميديا دي لازم يبقي ليها ظابط ورابط، لازم الدولة تتدخل، لازم يبقى فيه بوليس للسوشيال ميديا دي، ما يقدر على القدرة إلا ربنا يا جماعة”.
وأضافت عبير صبرى : “شاركوني آراءكم ايه السبب في الانتحار اللي شوفناه من شباب صغير لسه ادامه الحياه وجريمه قتل مرعبة لبنت مسكينة ملهاش ذنب تفتكروا الشباب وصل لكده ازاي هل السوشيال ولا الأهل ولا التربية ولا ايه.. صدقوني كل الناس عندها مشاكل حتي لو مش بتظهر ده للناس وبيظهروا عكس كده”.
عبير صبرى ومسلسل يوتيرن
وعرض للنجمة عبير صبري مسلسل يوتيرن فى شهر رمضان 2022 وشارك فيه العديد من الفنانين على رأسهم ريهام حجاج، توفيق عبد الحميد، عبير صبري، كريم قاسم، عبير منير، أيمن القيسوني، صفاء الطوخي.
تدور أحداث مسلسل يوتيرن حول شخصية البطلة التي تتزوج بعدما كانت تعمل فى مجال الملاحة البحرية، ويستعرض مسلسل يوتيرن علاقتها بزوجها ووالدها وصديق طفولتها ، وتتصاعد الأحداث بشكل كبير بعد حدوث ازمة بينها وبين زوجها.
عبير صبرى سفيرة للمحبة
وكان تم تكريم الفنانة عبير صبرى فى تركيا كسفيرة للمحبة والسلام وشاركت جمهورها بإطلالاتها علي السجادة الحمراء من حفل تكريمها ونشرت صورها عبر حسابها الشخصى بموقع التواصل الإجتماعي إنستجرام.
وكتبت صبري معلقة من خلال صورها:"من حفل تكريمي بتركيا سفيرة للمحبة والسلام ".
