شريف بكر: قيمة أي جائزة أنها بتخلينا نكمل الطريق

أعلنت جائزة الملك عبدالله بن عبدالعزيز العالمية للترجمة بدورتها العاشرة، عن فوز دار العربي للنشر فرع "جهود المؤسسات والهيئات".

من جانبه كتب الناشر شريف بكر مدير دار العربي للنشر على صفحته “فيسبوك” وقال: "قيمة أي جائزة إنها بتبقى نوع من أنواع الإشارات إنك على الطريق الصحيح، أو رسالة بمعنى "كمِّل؛ احنا واخدين بالنا وعاجبنا".

الجايزة دي مش ليَّ ولا لرانية مديرتي وأختي العزيزة؛ دي لطاقم عمل كبير أولهم فريق العربي اللي بيشتغل معانا من تحرير وتسويق ومبيعات وكله. 

وطبعًا لكل المترجمين اللي تعاملنا معاهم؛ من المخضرمين، واللي ترجم معانا لأول مرة، واللي ترجم معانا خمسة وعشرة وأكتر من عشرين كتاب، احنا نجحنا بيكم وبمجهودكم. 
والمصححين اللغويين اللي بيدوا العمل مصداقية وشكل مضبوط ومنضبط. 
وفنانين الأغلفة اللي ادونا طابع مميز وهوية بصرية مميزة. 
دا غير القراء اللي بيشجعونا ويوجهونا، وبيستحملوا التجارب الجديدة، وبينقدوا علشان نبقى أحسن.
دي تجربة إسماعيل عبد الحكم بكر اللي ابتداها من ٤٧ سنة، واحنا بنكمل على الخطا 
وأنا متأكد إنه مبسوط وبيطبطب علينا دلوقتِ".