ساعتها طلبِت الطلاق .. رضا عبدالعال: مراتي ضبطتني بكلم واحدة في التليفون

حل رضا عبد العال نجم الزمالك ومنتخب مصر السابق، ضيفا على برنامج "كلام الناس"، الذي تقدمه الإعلامية "ياسمين عز"، عبر فضائية "إم بي سي مصر".

وحكى "رضا عبدالعال"، أغرب واقعة خيانة تم ضبطه فيها، قائلا: "كنت لسه متزوج جديد، وكنت منتقل حديثا للنادي الأهلي، وواحدة حدفت لي رقم تليفونها في ورقة".

وأضاف: "مراتي كانت نايمة جنبي وأنا كنت عايز أكلم الست اللي حدفت لي رقمها"، لافتا: "قولت لمراتي روحي شوفي العيال، فقالت لي أنا هنام معاهم في الأوضة التانية".

وأشار: "قعدت شويه وحسيت أنها نامت، لكن طلعت صاحية، قومت أنا قفلت الباب وسحبت التليفون الأرضي وحطيته على السرير واتغطيت بالبطانية وقولت أكلم البنت".

وأوضح: "لسه يدوب بنتعرف فجأة لقيت البطانية اتشالت، لقيت مراتي قولت لها لسه بنتعرف معملناش أي حاجه ولا حصل أي حاجه لسه بتعرف عليها، وساعتها طلبت الطلاق".