تحدث الدكتور محمد الساهر أستشاري المخ و الأعصاب عن أضطرابات النوم، قائلاً:" الأرق بيحصلنا كلنا بيبقى ،مثلا حد مسافر أو دكتور عنده نبطشية، أو من القلق و التوتر، ده بيبقي اسمه أرق حاد، يعني بيقعد فترة أقل من شهر، لكن لو قعد فترة أطول ده كده بيكون مرض، وليه أسباب كتير ممكن تدخين و ممكن أمراض مزمنة أو خمور أو أدوية"

وأضاف محمد الساهر اثناء استضافته مع برنامج "صباحك مصري" المذاع على فضائية mbc masr،قائلاً:"مبنصحش إن واحد مش عارف ينام فياخد حاجه عشان ينام، لأن بعد كده الإنسان بيتعود على الطريقة الأسهل، و ساعات بيبقي في أدوية إدمان".

وتابع:"لو واحد عنده أرق، بقوله لازم الأول تجرب العلاج الغير دوائي، و لازم تظبط البيئة المحيطة، يعني تقلل النور، لازم تدخل السرير لما تبقى عايز تنام بس، متدخلش الأوضة و تقعد وأنت مش عايز تنام، و لو معرفتش أنام، أقوم ربع ساعة برا الأوضة، لحد ما أحس إحساس النوم"

وأوضح أستشاري مخ وأعصاب، أنه من أسباب عدم القدرة على النوم برغم التعب و الأرهاق، هو معاناة الشخص من التوتر و القلق و التفكير الزائد، تغيير مكان النوم، ويجب تهيئة بيئة محيطة جيدة للتمكن من النوم الجيد.