EN 
تصدر الهضبة عمرو دياب تريند موقع التواصل الاجتماعي «تويتر» بعد ساعات من طرح أغنيته الجديدة «اللي يمشي يمشي»، التي كتب كلماتها تامر حسين، ولحنها مدين، وتوزيع توما.
والأغنية هي الثانية لعمرو دياب هذا الصيف، حيث طرح في عيد الفطر أغنية «هاتدلع»، من كلمات محمد القاياتي، لحن محمد يحيى، وتوزيع أحمد ابراهيم، بعدما أعلن عمرو دياب عن تعاونه مع تطبيق "أنغامي"، ليصبح أول مطرب عربي يطرح إنتاجاته الفنية حصريًا عبر التطبيق.
تامر حسين: أهم أعمالي مع عمرو دياب
أعرب الشاعر الغنائي تامر حسين، عن سعادته بردود الفعل على أحدث أغنيانه مع الفنان عمرو دياب، التي تحمل اسم "اللي يمشي يمشي".
ونشر تامر حسين، صورة تجمعه عمرو دياب من داخل الأستوديو، عبر صفحته بموقع التواصل الاجتماعي فيس بوك، وعلق قائلا: «أولاً الحمد لله على رد الفعل المُبهر والسريع، ثانياً عمرو دياب كل أغنية بتنزل معاه ليا في أول السيزون بحس كأنها أول أغنية بينا، ونفسياً ببقى زى الطالب اللي في ثانوية عامة، بيبقى عندى ضغط وستريس إني أبقى متغير عن السنة اللي قبلها، وأعمل أحسن ماعندي وأتفوق على نفسي، وأضيف له حاجة في تاريخه الكبير اللي بعتز بيه».
وأضاف: «كُنا موفقين الحمد لله في الاختيار، الأغنية تشبه مشاعر وتجارب كُل البني أدمين، ومست قلوب الجميع، بعد ما عملنا سرد لمجموعة من الناس ونماذج في حياتنا جميعا، ودى يمكن أول مرة نركز على التفاصيل دي، وربنا وفقنا أنا ومدين وتوما ومهندس الصوت المُخلص أمير محروس».
وتابع تامر حسين: كل الناس اشتغلت بحُب وإخلاص لنجم كبير كُلنا عارفين ومقدرين قيمته، والمسؤلية اللي عليه أمام جمهور كبير وعظيم، يستحق كُل التقدير والاحترام، شكراً عمرو دياب اللي حقيقي بنزوله بيفتح السوق للكُل، وبيعمل روح ومُنافسه شريفة تفيد المُستمع، وشكراً للجمهور المحترم اللي بيفهم ويحس بالأغنية الحلوة وبيقدر صُناعها، وحقيقة انا بعتبرها من أهم أغانيا مع الفنان عمرو دياب وأنضجهم».
ناقد موسيقي: واحدة من أفضل أغاني الهضبة
أكد الناقد الموسيقي أكرم ناجي، أن أغنية عمرو دياب الجديدة «اللي يمشي يمشي» واحدة من أفضل أغنياته، بداية من كلمات الأغنية الجيدة للشاعر تامر حسين، الذي يعد من أفضل الشعراء في مصر، وصولًا إلى اللحن السلس للملحن مدينالهضبة .
وأضاف أن التوزيع الموسيقي «المقسوم الدراما»، يعد سهل ممتنع لكونه بسيط ومهم جدا في إيقاع الأغنية، مشيرا إلى أنه عندما استمع إليها تذكر أغنية عمرو دياب «أيام وبنعيشها» التي طرحها عام 2005 للشاعر أيمن بهجت قمر.
كلمات «اللي يمشي يمشي»
وتقول كلمات أغنية «اللي يمشي يمشي»:
اللي يمشي يمشي
عيني على ناس أمِنتها
إتأذيت مِنها بعدها
نزلوا مِن نظري
مش حاقول عذري
دول عالم عارفة نفسها
قلبي ولا طيبته نَفَعْته
واللي يوم سَكَنه موته
دُنيا بتعر
يا ما بنوري
كله على قد نيته
اللي يمشي يمشي زى بعضه
يبقى فضىّ سكة للى بعده
في النداله ناس كتيرة عدوا
دول ما شاء الله
حُب مِين ده كله منفعه
كله بقى عنده أقنعه
مين بقى برىء مين إدعىّ
مين حاتستثناه؟
اللى حبونا مثلوا
واللى وعودونا كسلوا
يوفون بـ وعودهم
والله يسعدهم
واللى له طريق يكمله
اللى ملىّ ايده مِننا
إفتكر نفسهُ حلمنا
فِهمهُ على قده
الغرور واخده
لِسه ماعرِفش طبعنا
اللى شاف نفسه وإفترىّ
واللى بيبيعنى في الدرىّ
واللى مديت له
إيدي وصفيتله
طبعه هو المُشكلة
أرمي ورا ضهرى كُل ده
ايه اللى يجبرنى على كده
ياللا أشوف نفسي
حبة مِن نفسي
في إختيار أحلى مِن كدة؟
