أحد ضحايا مستريح البحيرة: كان عنده شركة وحسابات بنكية واختفى في مارس|فيديو

قال المواطن " حمادة " أحد ضحايا مستريح البحيرة ، إنه من مركز " إيتاي البارود " إنه تم النصب عليه في مبلغ مالي يقدر بـ 3 ملايين و 400 ألف جنيه ، موضحا : " كنت بسافر بره أشتغل .. وقضيت 12 سنة غربة وتعبت فيهم " .

وروى " حمادة " عبر مداخلة هاتفية لـ برنامج " الحياة اليوم " ، والمذاع على فضائية " الحياة " قصة النصب عليه من مستريح البحيرة ، قائلا إن هذا الشخص كان يمتلك مقر شركة في قرية " نكلا العنب " ، ومقر شركته تقع في عمارة مواطن من القرية .

وتابع " حمادة " ، أن شركته كانت متخصصة في الورق والأدوية ، مسترسلا : " دخلنا معاه كل واحد فينا بـ 200 ألف كده نشوف الدنيا فيها أيه ؟ " .

وأردف " حمادة " : " كنا بنشوف ورق المناقصات معاه ، وكان معاه بطاقة ذكية في الغرفة التجارية الذهبية .. وسألنا عليها لقيناها مع 14 واحد بس في مصر " .

واستطرد : كان بيتعامل في البنوك كويس ، وكان الراجل مدير البنك بيرحب بيه ، وبناء على ذلك الناس وثقت ودفعت فلوسها ، وكنا كل 6 شهور بناخد أرباح 30% .

وأردف : الراجل ده فص ملح وداب من شهر مارس ، وكله بينكر وجوده ، ومعانا حسابات بنكية ، وروحنا البنوك لقينا الحسابات فاضية .