الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

رحمة أحمد تغازل زوجها على طريقة مربوحة: يا كلوب العتمة.. فيديو

رحمة أحمد
رحمة أحمد

فاجأ أحمد منصور زوج الفنانة رحمة أحمد مربوحة في مسلسل الكبير أوي أثناء استضافة الإعلامية لميس الحديدي لها باتصال هاتفي قائلاً : "لما جالها الدور مع أحمد مكي كنا في فترة مهمة في حياتنا عشان الطفل المولود واحتمالية السفر وقتها وبالتالي عندما عرض عليها الدور في مسلسل "الكبير أوي"  كان تحدي كبير لينا خاصة أنها كانت في مسؤولية كبيرة في المنزل وبالأخص الطفل وشالت اللي محدش يقدر يشيله".

 

وعن رأيه عندما عرض على زوجته الدور قال : "كنت داعم ليها  جداً لما جالها الدور وقلت لها خذي الدور لأن الفرصة دي لن تكرر في حياة أي حد خالص والفرصة بتيجي مرة واحدة في العمر ولم أفكر وقتها في إيجابيات وسلبيات لان مسلسل الكبير لا يرفض".

 

وعن لحظة حصولها على الدور وإخبارها له بالعرض قال : "كان عندها مسرحية في الأوبرا وأنا كنت في البيت قاعد بالطفل ومشغل أغاني عشان يسكت وكنت عمال أقلها هتيجي امتى ولما وصلت بدأنا الخناقة عشان قاعد بالطفل وقالت لي أستاذ أحمد مكي زارني في المسرح وتقريباً فيه ترشيح للدور ووقتها نسيت الخناق وكل شيء وقعدنا نفكر وقتها.. ووقتها قررنا إلغاء السفر فقلت لها  ركزي في شغلك وانا هعرف اظبط نفسي وسافرت أنا وقررت أنها تعيش في مصر وأمي وأمها يرعوا الولد".

 

ورداً على سؤال  الحديدي هل رحمة أحمد في البيت زي مربوحة؟..تابع  خلال اتصال عبر  برنامج " كلمة أخيرة  " الذي تقدمه الإعلامية لميس الحديدي على شاشة  ON:رحمة في البيت بتحاول في البيت تعمل  أي  حاجة حتى لو مش عارفاها بتفضل  تحاول لحد ما تعملها ولما اتجوزتها  ماكنتش إمكانياتها في الطبخ  بنسبة 100%   لكنها أصرت وتعلمت ".

وعن أسوأ الاكلات التي تقوم بعملها قال : "المكرونة البشاميل "

وأكمل : "أنا مقدر أن وقتها مليان ومضغوطة ورغم ذلك لا تقصر في البيت و عمرنا ماحسينا ان فيه شيء ناقص ولا عمرها قصرت   في رعاية مصطفى إبننا".

أستطرد : حياتنا كوميدية  وأشهر موقف كوميدي عشانه يوم  ماتقدمتلها    كان فيه بعض العقبات وعيطت  ومكنش هيتم وإحنا قاعدين اختلفنا في بعض الحاجات تفاجأنا  أنها سابتنا   ودخلت جوه  وكلهم استنتجوا  أنها دخلت تعيط  وفوجئت أنها بعتتلي على الواتس أني أتعامل في الموضوع  وأنها هتعمل نفسها بتعيط"
وغازلت  رحمة أحمد  زوجها مازحة على الهواء قالت: يا كلوب العتمة.