EN
تداول رواد موقع التواصل الاجتماعي فيس بوك، منشورا يحتوي علي أن طالبة انتحلت صفة طالبة بكلية الطب بجامعة عين شمس حضورها كافة المحاضرات والسكاشن دون أن تكون مقيدة بها وذلك لمدة 6 سنوات.
ومن جانبه أكدت الدكتورة شهيرة موسي وكيل كلية الطب بجامعة عين شمس أن أمن الكلية لا يسمح بدخول طالب أو طالبة الكلية دون إبراز كارنيه الكلية وتحقيق الشخصية .
وأضافت الدكتورة شهيرة موسي خلال تصريحاتها لـ صدي البلد أنه يوجد أفراد أمن عند بوابات الكلية للتحقق من دخول الطلاب وغير الطلاب بالكلية لافتا أنه يتم بشكل يومي رفع الغياب قبل بدء السكشن أو المحاضرة خاصة في التدريبات العملية.
وكان إحدى رواد مواقع التواصل الاجتماعي فيس بوك قد عرضت منشورا قائلة :«الدنيا مقلوبة في طب عين شمس بسبب إن فيه واحدة اسمها "سعاد شريف" انتحلت شخصية بنت تانية فترة طويلة يجي سنتين وكانت بتحضر وعايشة حياة حد تاني غيرها .. غيرها تماما مش هي دي حياتها اللي المفروض تعيشها !
ربنا مكنش رايد ليها الكلية دي بس عاندت إرادة ربنا وكانت بتقول لزمايلها إنها جابت ٩٠٪ وعملت تظلم وطلع ليها درجات والدرجات دي دخلتها الكلية وهي في الأصل جايبة ٧٥٪ ..
البنت ماكتفتش بكده لا .. للأسف من الصدمة النفسية اللي حصلتلها تعايشت مع الكلية وبتنزل كورسات وشيفتات في المستشفى وكمان كانت بتلم تبرعات باسم عمها الشهيد اللي أساسا مش عمها والله اعلم الفلوس دي راحت فين وطبعا دي تعتبر سـ ـرقة بجانب الكدب والغش ..
ناهيك بقى عن كمية الصحاب اللي عملتها والناس اللي اتعلقت بيها وفيه واحد يا عيني كان ناوي حرفيا يتقدملها وحاجة في منتهى كسرة القلب سواء للصحاب أو للواد الغلبان ده !
أنا مش قادرة أستوعب هل هيَّ فعلا مريضة؟ ولا حلمها وصدمتها خلوها معمية عن قدر ربنا؟ ولا الأهل كان ليهم دور بسبب ضغطهم عليها من الثانوية العامة أو ترسيخهم لفكرة إنها لازم تكون دكتورة من صغرها؟ محدش عارف ..
لكن والله الأهم من إن ولادكم يطلعوا دكاترة ومهندسين، إنهم يطلعوا أسوياء نفسيا وراضيين بحالهم والمكتوب لهم ..
