EN
حل الملحن عمرو مصطفى ضيف برنامج “حبر سري” ضمن حلقات شهر رمضان المبارك.
وأدلى عمرو مصطفى، بالعديد من التصريحات التي أغضبت صُناع الموسيقى، وكان من ضمنهم الموزع الموسيقي “إلهامي دهيمة” والذي ذكر اسمه ضمن حديثه واتهمه بالفشل.
قام إلهامي دهيمة، بالرد على عمرو مصطفى، من خلال حسابه الرسمي على “الفيسبوك”: وكتب :"إلي الملحن #عمرو_مصطفي .. طول عمري بحاول أتعامل معاك ك فنان و أتجنب مشاكل شخصيتك و مؤامراتك الخفية اللي بتعملها مع نفسك و لكن.. لو قررت تتكلم و تقحم إسمي ف جملة مفيدة و ف برنامج عالهوا و تضلل و تقول كلام محصلش ف تعالا انا أقولك الحقيقة لأنك كذبت كتير ف كلامك و كلامي في ناس كتير جوا الوسط و برا الوسط تشهد عليه".
وأضاف: "أولاً انا متجوزتش لمعلوماتك و الشغل عندك مجوزنيش ثانياً انت لا اكتشفتني ولا عمري قولتلك والنبي شغلني ولا إعملي بالعكس.. انت اللي عجبك شغلي من و انا طفل كنت شغال ف شركة اسمها sense بتاعة محمد يونس المخرج و جيت اديتني جايد لأغاني وكلها شافت النور زي مصر تحيا لأحمد جمال و يا مصر متخافيش لهاني شاكر يعني مفشلتلش زي مانت قولت
ثالثا لما انا كنت شغال ف الراديو كلمتني و قولتلي تعالا انا عملت مكتب ف مدينة نصر و توكلنا علي الله و اشتغلنا".
كما أضاف :"تعالا بقا افكرك بالأغاني اللي عملناها سوا ف ال ٩ شهور اللي قعدتهم معاك ف مكتبك و بتقول انهم منجحوش لتقصير مني انا و زمايلي و ضعفنا ف اختيار الأصوات او الكواليتي".
-أمي يا نور بيتنا - (اغنية لفت مصر و نجحت ف عيد الأم و ناجحة لحد الآن و اتغنت ف كل مدارس مصر و كل أطفال مصر غنوها و جايبة ٣٦ مليون مشاهدة يوتيوب فقط
-أكثر شخص بالدنيا - راشد الماجد جايبه ٧٢ مليون مشاهدة و اتوزعت ف ساعة واحدة و بأقل مجهود
- شبعنا من التمثيل فضل شاكر و عودة فضل شاكر للغناء و توزيع الأغنية اتعمل و مكساج و تسجيل وتريات و كل شيء تم في وقت قياسي و افكرك انك بكيت بالدموع لما سمعتها اول ما خلصت ف المكتب".
وتابع: "اتفائلوا بالخير ياسمين علي - ٣٩ مليون مشاهدة علي يوتيوب فقط
اليسا عشت و شوفت ١١ مليون مشاهدة
تقدر - لؤي تتر مسلسل ربع رومي، وغيرها".
وأضاف :" كلمتني قولتلي انقذني.. نوال الزغبي جايه من المطار عالمكتب و عايزة هيد للألبوم و معاك تيمة عالموبايل اديتهالي.. لما نوال وصلت المكتب كان في شكل عملته تسمعه و غنت جايد كمان و مشيت مبسوطة و كله تمام، اغنية (كده باي) لنوال الزغبي، و اغنية (جوا قلبه)، مع العلم يا عمرو انه ف الوقت اللي كنت شغال فيه عندك ده.. كنت شغال برا برضو و ناجح الحمد لله بدليل اغنية زي قولوله سماح لتامر عاشور.. اعتقد انه نجاحها مش محتاج أشرحهولك ولو مش شايفه محتاج اعادة نظر، كل الأغاني اللي كتبتها دي فيها مجهود كبير مني و من زمايلي أمين نبيل و أحمد الموجي
يمكن انا محضرتش فترة أحمد الموجي ف مكتبك ولكن الراجل ده عامل معاك اغنية مهمة زي طوبة فوق طوبة مثلا.. متقدرش تنكر نجاحها و متقدرش تنكر مجهوده".
وأضاف :"انا حاولت احترمك كتير و اتعامل معاك بتربيتي و احترامي لنفسي قبل ليك. و بشياكة و برقي ولكن انت كده فتحت علي نفسك فتحة ملهاش آخر لأن كلنا بتعرف نتكلم .. انت بتكره النجاح للغير.. بتكره أي حد حواليك ممكن ينجح و ده اللي مخليك مش علي بعضك الأيام دي لأنه السجادة اتسحبت من تحتيك ولكنها أرزاق الله يا عمرو.. اشتغل علي نفسك و طور من شخصيتك قبل ما تطور من مزيكتك.. لأنها بتنعكس عالمزيكا فعلا و انت شخصيتك باينة ف مزيكتك عشان كده مبقتش بتنجح.. و هفكرك بأغنية ٣ دقات اللي كانت مش بتخليك تنام الليل عشان بس اغنية نجحت و ضربت".
بينما اختتم حديثه :"الناس اللي مشيت من عندك يا عمرو حياتهم ماشية عادي جدا و بيشتغلوا و بينجحوا عادي كل حاجة برزقها مش انت مقياس النجاح.. و لو انت كان عندك شقة عاملها مكتب..ف ربنا دلوقتي كرمني و عندي شركة انتاج صوتي و مرئي و استوديو حقيقي مش شقة.. بيخرج منه اعمال لأهم مطربين ف الوطن العربي".
