EN
أجابت هبة الطماوي، أخصائية إرشاد أسري وتعديل سلوك عن سؤال: "من إمتى أعلم أولادي أركان الدين وأعودهم على الصلاة؟"، قائلة: "من سن السبع سنوات لأن عقل الطفل لما بيكون أصغر من كده لايدرك أي شيء غير مرئي .. زي مثلا إحنا ليه بنصلي .. أو ليه بنضحي في العيد"، متابعة:" أصول الدين التي تتصل بالاجتماعيات زي الصدقات والزكاة وزيارة الأقارب يمكن أن يتعلمها الطفل في سن أصغر من سبع سنوات".
وأضافت “ الطماوي ”خلال حوارها ببرنامج " ست الستات" من تقديم الإعلامية دينا رامز والمُذاع على فضائية "صدى البلد" :" يفضل ان احنا نعرف على الطفل على الزكاة من الناحية الاجتماعية أولا قبل الدينية حتى يكون مستوى استيعابه له أحسن .. ونعلمه إن إحنا لازم نساعد المحتاج وأن ربنا هيحبنا لما نعمل كده وهيرجعلنا ده أضعاف ".
وأردفت :" لازم وأنا بعلم الطفل تعاليم الدين يكون في احترام لرأيه وعقليته واستأذنه قبل ما آخد أي حاجة من عنده عشان نديها لحد محتاج ولازم هو يكون موافق"، لافتة :" مهم نعلمه إنه لما بنتبرع بحاجة لحد لازم تكون في هيئة وصورة جيدة".
