EN
أعلن عبد الرحيم أبن الفنان الراحل شعبان عبد الرحيم عن تصالحه مع اشقائه ، وذلك عبر فيديو علي موقع التواصل الاجتماعي فيسبوك
وعلق عبد الرحيم شعبان عبد الرحيم علي فيديو تصالحه مع اشقائه قائلا : " شكرا لاخويا وروح قلبي المعلم هاني خلف ابوالدهب وشكرا لكل اخواتي اللي وقفوا معانا نجوم مصر دول مش صحابنا دول اهلنا وعشرتنا الطيبه ربنا يدوم الحب بينا ورمضان كريم علينا وعليكم وع الناس كلها "
رد عدوية شعبان عبد الرحيم، ابن الفنان الراحل شعبان عبد الرحيم على تصريحات زوجته الأولى ، والتي أدعت فيها عدم رؤية عدوية لأولاده أوإرساله مصاريفهم.
وقال عدوية شعبان عبد الرحيم في تصريح خاص لصدى البلد :"تصريحاتها مقصودة لتشويه صورتي قدام الناس، وأنا اصلا مطلقها من ست سنوات وبدفع الفلوس اللي عليا ليها في المحكمه، ومافيش حاجه بيني وبينها كل ده عشان تشوه صورتي".
أَضاف :" الموضوع كله عشان قولت ان أختي بعتالي ناس عشان تقتلني، فأختي استعانت بمراتي الأولى علشان تشوه صورتي ، وهي أصلا ملهاش حاجه عندي وأنا كدا كدا بشوف عيالي ولما بشوفهم بوديهم أحسن حته في مصر".
ووجه عدوية شعبان عبد الرحيم، ابن الفنان الراحل شعبان عبد الرحيم، رسالة إلى أشقاءه بعد أزمة توزيع إرث والده، خلال الفترة الماضية.
وقال عدوية شعبان عبد الرحيم، في مقطع فيديو له، نشره عبر حسابه على موقع الفيديوهات «تيك توك»، «الأخ اللي يمشي أخوه من البيت عشان خاطر الفلوس، يبقى أصله مش جدع.. وأنا خلاص عملت لأخويا، بلوك من قلبي مش التليفون بس.. وأنا أخوك الصغير، وبقولك مش مرضي باللي حصل.. أنا مش عاوز فلوس خلاص".
حرص صدى البلد على التواصل مع المطرب الشعبي عصام شعبان عبد الرحيم، للرد على ما أثير من أنباء حول خلافاته مع أشقائه على الميراث، ووجود مشكلات في تقسيم التركة فيما بين أبناء شعبولا بعد عام من رحيله.
وقال عصام - نجل شعبولا - في تصريحات خاصة لموقع صدى البلد الإخباري: «مفيش أي خلافات بنا والمداخلة دي قديمة من 4 أشهر وتم تداولها في الوقت الحالي لإثارة ضجة على اسم شعبان عبد الرحيم، لكن احنا اخوات وأنا الكبير أهو وبقول أخواتي كلهم جزمتهم فوق راسي».
