EN 
أثار مقطع فيديو يظهر سيدة تعتدي على إحدى الفتيات، في قطار بمحطة مترو الأنفاق حالة شديدة من الغضب على مواقع التواصل الاجتماعي.
وأوضحت الفتاة جنة محمد، والتي نشرت الفيديو عبر صفحتها على موقع «فيسبوك»: «أن السبب وراء اعتداء السيدة عليهن عدم رضاها على ملابس إحداهن».
وأضافت الفتاة، التي نشرت الفيديو: «إحنا كنا بنفطر في الكلية بحلوان الاثنين، وراجعين في المترو، والست اللي كانت في الفيديو قاعدة واحنا واقفين قدامها، وفجأة لاقيتها قالت لصاحبتي: انتي فاجرة ومفضوحة ولبسك مش محترم وحرام».
وتابعت جنة محمد، 24 عاماً: «الست كانت مصرة على شتميتنا وكررت تاني بدون أي معرفة أو حديث مسبق بينا علماً بأن لبس صحبتنا عادي جداً بشهادة الموجودين، وكانت لابسه تي شيرت نص كم، وردّت عليها بكل أدب: لبسي مفيهوش حاجة، فجاء ردّ السيدة بحدة: أنتي فاجرة، أنتوا بمناظركم دي تتمسكوا آداب، لمي درعاتك الرجالة طالعة ونازلة».
وواصلت الفتاة العشرينية المعتدي على صديقاتها سلمي ومعهن آية: « صاحبتي لما لقيت الست بتتكلم بالطريقة دي، رديت عليها: بتتكلمي كده ليه، لو عاوز تنصحي اتكلمي بشكل أفضل؟، قلعت الشبشب وبدأت كانت عاوزه تضربنا بيه».
واستمرت المشاجرة بين السيدة والفتيات لـ 5 محطات تقريباً، من محطة الملك الصالح حتى حدائق المعادي، وسط ردود أفعال كثيرة متضامنة معهن بعد انتشار الفيديو من صفحة جنة وبعض آخر يتضامن مع السيدة، واصفاً تفكيرها بـ «المريض».
وكان من بين التعليقات على فيديو جنة، قول فتاة: «كل واحد عامل نفسه وصي علي الناس بأي حق تدخل ف شؤن غيرها بقت حاجه تقررررف»، وإضافة أخرى: «ممكن كانت عاوزه تنصحهم وهما مقبلوش النصيحه من وجهه نظرهم ان ده تعدي على حريه اللبس والموضوع تتطور بالسب»، ومتابعة ثالث: «ادعو الى سبيل ربك بالحكمة والموعظة الحسنة ولم يكن رسول الله صلى الله عليه وسلم فظا غليظ القلب كما وصفه ربنا عزوجل .."ولو كنت فظا غليظ القلب لانفضوا من حولك" ..لو هتموتى عشان تنصحى بنت ايا كانت مسلمة او مسيحية يبقي باسلوب بينك وبينها دون تجريح وباسلوب محترم ده ان كانت يعنى هيحصلها حاجة لو منطقتش يبقي النصح ليه اسلوبه الصحيح وليس المنفر وهل ياترى هذه الطريقة هتجعل اى بنت هتتقبل منك النصيحة بعد ماوجدت ان الجميع اتفرج عليها ..ربنا يهدينا جميعا ..».
