الإشراف العام
إلهام أبو الفتح
رئيس التحرير
أحمــد صبـري
الإشراف العام
إلهام أبو الفتح
رئيس التحرير
أحمــد صبـري

منة عرفة عن أزمتها مع محمد نجاتي: "محصلش أي حاجة من اللي قالوها"

منة عرفة ومحمد نجاتي
منة عرفة ومحمد نجاتي

قالت الفنانة الشابة منة عرفة، إن الفنان محمد نجاتي زميل لها وتحترمه، معقبة: "إحنا كبرنا مع بعض، لأننا من زمان بنشتغل مع بعض، من وأنا صغيرة".


وأوضحت منة عرفة خلال لقائها مع برنامج "سابع سما"، المُذاع على فضائية "النهار"، مشكلتها مع الفنان محمد نجاتي قائلة: "إحنا كنا بنصور في اللوكيشن، ونادوني علشان هنبدأ، ولما دخلت لاقيت مساعدة المخرج بتحكي الدور هيحصل أزاي".


وتابعت الشابة: "المهم مساعدة المخرج قالت محمد نجاتي هيخش من الحتة ديه وهو شايلك .. فأنا رديت وقولت لاء انا مش حابة أعمل لقطة زي ديه .. فردت عليا وقالتالي إزاي ده المشهد اللي قبله هتكونوا جايين من الطرقة وهو شايلك .. فأنا رديت وقولت ومين قالك ان المشهد ده كمان هيحصل!".


وأكملت منة عرفة: "فـ محمد نجاتي جيه على الكلام ده، وقالي في ايه يامنة ده تمثيل! .. فأنا رديت عليه وقولتله ما هو ده هيحصل في الواقع، فانا مش حابة أعمل اللقطة ديه .. وبعدين فيه بنتين يشلوني، او مش لازم اتشال خالص يعني".


وأردفت الشابة: "انا مكنش عندي علم بالمشهد ده، واتفاجأت بيه.. مش زي ما الناس بتقول .. وكمان محمد نجاتي وافق على كلامي، والمخرج كمان معترضتش .. مش عارفة اللي حصل ده كله بناءاً على ايه اساساً".


واستطردت منة عرفة: "المشهد هيتعرض وهتشوفي وهو ماسك ايدي عادي .. أنا مش قال الله وقال الرسول .. ومعترضتش .. ومحصلش أي حاجة من اللي قالوها .. عملوا حوارات ان انا مش عايزة اتلمس .. وانا اعترضت بس على الشيل .. الباقي ده تخاريف حد مطلعها".