السيسي: «في بيتي بسأل الأسعار دي بكام ودي بكام.. والإنفاق المتوازن مهم»|فيديو

قال الرئيس عبد الفتاح السيسي: أنا والله بقولهم كده في البيت عندي، مُعقبًا: "أنا مش رئيس والله وبسألهم في البيت عن الأسعار وهاتوا دي ومتجبوش دي".
وأضاف الرئيس السيسي خلال كلمته بيوم تكريم المرأة المصرية: "انزلوا خدوا اللي انتوا عايزينه.. لسه الجيش منزّل 2 مليون كرتونة ولسه فيه كمان إحنا عاملين حسابنا لكل حاجة".
واستطرد: "موفرين كل حاجة بنص ثمنها ومفيش مشكلة من الناحية دي خالص"، معقبًا: "ولكن إذا كنتم عايزين مستقبل أفضل وحياة أحسن لأبنائنا وبناتنا لازم نراجع الكلام ده ويكون استخدامنا يدوبك".
وأكمل الرئيس ضاحكًا: "حد بقى من بتوع التواصل الاجتماعي يطلع يكتب السيسي بيقولنا متكلوش لا خالص كلوا زي ما انتوا عايزين.. والله والله أنا صادق معاكم وأمين والله يعلم ما في نفسي".