رجاء حسين عن إطلالات الفنانين : أرفض العري والإسفاف

انتقدت الفنانة رجاء حسين، إطلالات الفنانين خلال دورات المهرجانات السينمائية في الفترة الماضية، قائلة: "أرفض العري والإسفاف رفضًا مطلقًا، أنا ست شرقية واللي بيحصل ده حرام وميرضيش ربنا، عمرنا ما سمعنا أن فنانات زمان كانوا يظهرن بهذه الطريقة".

وأضافت حسين، خلال حوارها مع الإعلاميتين سهير جودة، ومفيدة شيحة، ببرنامج الستات، المذاع عبر فضائية النهار، مساء اليوم الخميس: "أنا دقة قديمة وشوفت السيدة فاتن حمامة لما كانت بتحضر مهرجانات، كانت ملابسها محترمة وإطلالتها أنيقة".

ووجهت الفنانة رجاء حسين، رسالة لرجال الأعمال: "ابعدوا عن السينما والفن، اللي بيحصل حاليًا تجارة، ولا يمت بصلة للفن المصري،وأرفض تعبير أنه يمثل مصر، متسائلة: "هو اللي كان بيحصل في المهرجانات كان يعجب حد؟".

وتابعت الفنانة رجاء حسين: "ده رأي ومش هخالف ضميري وأقول كلام عكسه، وبعدين خسارة فيهم الكلام، ده مش مهرجان سينما ده عرض أزياء".