كريم عبد العزيز: الغيرة الفنية شيء عبقري.. والسينما ملهاش كبير |نوستالجيا

حل الفنان كريم عبد العزيز، في لقاء تلفزيوني قديم على فضائية "دريم"، من تقديم الإعلامي محمود سعد، وتحدث خلال حواره عن علاقته بالفنان أحمد السقا وحقيقة رفضه نشر أي صور من خطوبته.

وأجاب الفنان كريم عبد العزيز عن سؤال: "هل تنافس أحمد السقا؟"، قائلًا: "أحمد صاحبي جدًا على المستوى الشخصي، ومينفعش خالص يكون جوايا إحساس إن أنا بنافس، وكل اللي يهمني إن أنا أمثل"، معقبًا: "في فرق بين إن أنا أنافس وبين إن أنا أغير عشان عايز أعمل فيلم أحلى".

وأضاف كريم عبد العزيز: "بعتبر إن دي غيرة جميلة إني أشوف فيلم حلو الناس حبته فأغير وأكون عايز أعمل أحسن منه، بشوف ده شيء عبقري، ولكن اللي بره الصورة هو اللي يقدر يقول إن في منافسة، بس من وجهة نظري لازم اللي جوا الموضوع يكون كل تركيزه في الشغل وبس".

واستطرد: "السينما ملهاش كبير، ولازم تكون صاحي دايمًا من خلال اختيار الأعمال المناسبة".

وأجاب عن سؤال: "لماذا رفضت نشر أي صور من خطوبتك؟"، قائلًا: "عشان مأجل المرحلة دي للوقت المناسب عشان الفرح هيكون قريب فمش مش عايز الصور والأخبار تبقى كتير اوي"، متابعًا: "الفنان في الآخر بني آدم ومينفعش الضوء يبقى مسلط على أدق التفاصيل في حياته".