أحمد جمال ينشر صورة من الصالة الرياضية ويعلق: صباح النشاط

شارك الفنان أحمد جمال، جمهوره، بصورة جديدة له من الصالة الرياضية وهو يؤدي تمريناته الصباحية، ونشرها من خلال صفحته الشخصية عبر موقع التواصل الإجتماعي إنستجرام.

وكتب أحمد جمال من خلال صورته معلقا: جمعة مباركة عليكم صباح النشاط.

وحل الفنان أحمد جمال، ضيفا فى برنامج “سهرانين” المذاع عبر فضائية “أون”، روي فيه ما حدث له أثناء غنائه في أول فرح.

وتابع: “أول شغل وأول فرح ليا كنت هنضم لفرقة بتشارك فى أفراح، ولسة كان عندي 18 سنة ومطلوب مني أني لازم ألبس بدلة.. وانا مكنش معايا فلوس.. ومحمد شعبان كان معايا بيعزف ومعاه فلوس وطلبت منه فلوس وأداني 150 جنيه”.

وتابع: “كملت وقعدت أجمع لحد ما جبت البدلة.. وأخدت فى الفرح دا 30 جنيه.. وروحنا الفرح وحصل موقف لن أنساه.. وكان الفرح به ناس كثيرة ومعمول فى أرض ريفية.. وغنيت وانا خايف واستخبي ورا شعبان.. وصعبت على واحدة وانا قاعد وقالتلي ممكن تقبل الوردة دي”.

وأضاف : “جه مدير الفرقة قالي عملي فيها رومانسي.. قولتله أيه المشكلة قالي لو أهل الفرح عرفوا هيعملوا مشكلة.. وأنا سمعت اللي اتقال عليا بعد ما خلصت وقالوا اني لسة صغير.. وواحد قالي أني قدامي 8 سنوات على ما أعرف أمسك المايك.. وقولت بعد كدا أني مش هشتغل تاني”.