محمد صلاح : لو أكلت فطير بحس بالذنب وبنحتفل بكل الأعياد

حل النجم المصري محمد صلاح نجم ليفربول الإنجليزي، ضيفا في برنامج "صاحبة السعادة"، الذي تقدمه الفنانة "إسعاد يونس"، والمُذاع عبر فضائية "دي إم سي".

وتحدث صلاح في تصريحات لبرنامج "صاحبة السعادة" مع الإعلامية إسعاد يونس عبر شاشة دي إم سي عن طقوسه العائلية قائلا:"احنا عائلة بتحتفل بكل حاجة، وماجي كويسة معايا وبنطبخ الأكل العادي ومباكلش فتة ولا ملوخية ولا كوارع، لكن ممكن أكل السلطة مع أي حاجة سمك أو فراخ وممكن جنبها أرز أو بروكلي".

تابع صلاح:"لو أكلت فطير بحس بالذنب، ولو كلت معاه كشري بيكون اليوم قفل، وأخر مرة في مصر كلت فطير الصبح واتعشيت حمام واتغديت كشري وحسيت ان في حاجة نفخت، وخدت بعدها الشهر كله مفيش حاجة خالص ومبضعفش أوي مع الأكل".

وكان التليفزيون المصري، وقناة دي إم سي، قد عرضا الـ "برومو" الدعائي للحلقة، والذي أثار ضجة كبيرة عبر وسائل التواصل الاجتماعي.